Ҷиҳати пурзур намудани корҳои иттилоотӣ – фаҳмондадиҳӣ бо шаҳрвандон ва муҳоҷирони меҳнатӣ дар “Истгоҳи Роҳи оҳан”-и ноҳияи Бобоҷон Ғафуров, шуъбаи Хадамоти муҳоҷират якҷоя бо бахши Хадамоти муҳоҷират дар  “Фурудгоҳи байналмилалии Хуҷанд”,  пеш аз сафар бо муҳоҷирони меҳнатие, ки тариқи хатсайри Хуҷанд – Волгогради ФР сафар менамуданд, корҳои иттилоотӣ – фаҳмондадиҳӣ, доир намуданд.

Дар рафти суҳбат масъулин ба  шаҳрвандон доир ба навовариҳои қонунҳои амалкунанда дар Федератсияи Россия суҳбат намуда, қайд карданд, ки мутобиқи Қарори Ҳукумати Федератсияи Россия аз 7 ноябри соли 2024, №1510, ки ба қайди рақамии ҳатмии шаҳрвандони хориҷие, ки бидуни раводид ба Россия ворид мешаванд, асос мегузорад, аз 30 июни соли 2025 ҳамаи шаҳрвандони хориҷӣ бояд тавассути барномаи мобилии “Госуслуги RuID” сабти ном шаванд ва рамзи QR-и махсус гиранд, ки ҳангоми гузаштани сарҳад пешниҳод кардан лозим аст.

Дар ин ҳолат чӣ бояд кард?:

Қадами 1: Барномаи мобилии “Госуслуги RuID”-ро боргирӣ намоед — он дар App Store ва Google Play дастрас аст.

Қадами 2: Сабти ном гузаред. Маълумоти зеринро ворид кунед:

• Маълумоти шахсӣ (ном, насаб, санаи таваллуд, шаҳрвандӣ),

• Маълумоти шиноснома,

• Рӯзи пешбинишудаи вуруд ба Россия.

Қадами 3: Барнома рамзи QR тавлид мекунад.

 Ин рамз ҳатмӣ аст. Онро ҳангоми ворид шудан ба Россия дар сарҳад бояд нишон диҳед. Бе ин рамз мумкин аст ба шумо иҷозати вуруд дода нашавад.

Инчунин,  ба иштирокдорон оид ба иҷроиши фармони Президенти Федератсияи Россия аз 28 апрели соли 2025, таҳти № 272 “Оид ба ворид намудани тағйироту илова ба фармони Президенти Федератсияи Россия аз 30 декабри соли 2024, таҳти №1126”  муҳлати қонунигардонӣ дар Федератсияи Россия то 10 сентябри соли 2025 тамдид карда шудааст, фаҳмонида шуд.

Раёсати Хадамоти муҳоҷират дар вилояти Суғд