Бахши Хадамоти муҳоҷират дар шаҳри Истаравшан ҷиҳати иҷрои Фармони Президенти Ҷумҳурии Тоҷкистон аз 1 июни соли 2021 №187 “Дар бораи Стратегияи муқовимат ба экстремизм ва терроризм дар Ҷумҳурии Тоҷикистон барои соли 2021- 2025 “ вохӯриҳои иттилоотӣ – маърифатиро дар байни аҳли ҷомеа, аз ҷумла муҳоҷирони меҳнатии ба ватан бозгашта ва аъзои оилаи онҳо, чор нақшаи чорабиниҳои муштаракро дар самти падидаҳои номатлуб ва хатарҳои ҷаҳони муосир, муҳоҷирати бехатар.пешгирӣ ва мубориза ба муқобили бемориҳои сироятӣ, тарғибу ташвиқи тарзи ҳаёти солим, ҷалби ғайриқонунии шаҳрвандони кишвар ба давлатҳои хориҷа, коҳиш додани муҳоҷирати меҳнатии занон, риояи расму оинҳо дар байни занону ҷавонон дар кумитаи маҳаллаҳои шаҳр баргузор намуд.
Мақсад ва гузаронидани ин гуна вохӯриҳо, пеш аз ҳама пешгирии шомилшавӣ ба ҳаргуна ҳизбу ҳаракатҳои ифротгаро, терроризму экстремизм, савдои одамон ва қурбониёни он нагаштан, фаҳмонидани роҳҳои муҳоҷирати қонунӣ, тартиби муҳоҷирати бехатар ва омодагии пеш аз сафар мебошад.
Вохӯриҳо якҷоя бо иштироки бевоситаи Мақомоти иҷроияи ҳокимияти давлатии шаҳри Истаравшан, шуъбаи КДАМ, раёсати Агентии меҳнат ва шуғли аҳолӣ, бахши танзиму ҷашну маросим, раисони ҷамоатҳо, маҳаллаҳо, касбомӯзони филиали МД “Маркази таълими калонсолони Тоҷикистон”-и шаҳр ва дигар сохторҳо фаъолона ширкат варзида, байни иштирокдорон маърӯза намуданд.
Мудири бахши Хадамоти муҳоҷират дар шаҳри Истаравшан дар баромади худ оид бо фармони Президенти Федератсияи Россия аз 28.04.2025 таҳти №272 ворид намудани тағйироту илова ба Фармони Президенти Федератсияи Россия аз 30.12.2024 таҳти №1126 муҳлати қонунигардонӣ шаҳрвандони хориҷӣ дар Федератсияи Россия қарор доданд то 10 сентябри соли 2025 тамдид карда шуд, шиносоӣ карда шуд.
Инчунин, доир ба мавзуи пешгирии шомилшавии ҷавонон, суханронӣ намуда қайд кард, ки бархе аз ҷавонону наврасон бинобар сабаби каммасъулиятиву оворагардӣ ва надоштани маълумоти пурра аз таъсири оқибатҳои ноустуворӣ шабакаҳои иҷтимоӣ побандӣ раванди зуҳуроти гуногуни номатлуби ҷомеа мегардад.
Аз ин рӯ, падару модарон, омӯзгорон ва дигар табақаи аҳолии мамлакатро зарур аст, ки бо ҷавонон ва наврасон ҳамаҷониба ҳамкорӣ намуда ба онҳо роҳи дурусти ба камолрасӣ ва муваффақ шуданро дар соҳаи мухталифи зиндагӣ нишон диҳанд.
Раёсати Хадамоти муҳоҷират дар вилояти Суғд
