Маврид ба зикр аст, ки вазъияти ҷаҳони имрӯза давлати соҳибистиқлоли Тоҷикистонро водор месозад, ки фаъолияти самарноки тамоми сохторҳои давлатиро барои таъмини боэътимоди сулҳу субот ва амнияти кишварамон равона созанд ва барои ҳар як сокини кишвар шароити арзандаи зиндагӣ ва ҳаёти осоиштаро муҳайё намоем.
Вобаста ба ин, таҳти роҳбарии муовини раиси ноҳия Ҳусейнзода Сироҷиддин Бобо вохӯриҳои судманд бо сокинону фаъолон, муҳоҷирони меҳнатӣ ва аъзои оилаи онҳо дар ҳудуди ноҳия доир гардид, ки дар рафти вохӯриҳо сардори гурӯҳи Чорбоғи шуъбаи Кумитаи давлатии амнияти миллии Ҷумҳурии Тоҷикистон дар ноҳия Ҳамидзода Бахтиёр Хайрулло, сардори шуъбаи Агентии меҳнат ва шуғли аҳолӣ Зокиров Насрулло, мудири бахши Хадамоти муҳоҷират дар ноҳия Олимзода Орифҷон Олим, намояндаи КИ ҲХДТ Неъматов Ҳусен ва дигар аъзоёни гурӯҳи корӣ иштирок намуда, оид ба масъалаҳои мубрами рӯз баромад намуданд.
Инчунин, хотиррасон менамоем, ки дар ин гурӯҳҳои коррӣ намояндагони ҷамоатҳои шаҳраку деҳот, вакилони халқ, кумитаҳои маҳаллаҳо, имомхатибони масҷидҳои ҷомеъ ва панҷвақта ширкат варзиданд.
Дар фарҷоми вохӯрӣ аз ҷониби иштирокчиён оид ба мавзуъҳои матраҳшуда саволу ҷавоб доир гардид.
Зикр менамоем, ки дар рафти вохӯриҳо аз ҷониби бахши Хадамоти муҳоҷират ба сокинону фаъолон, муҳоҷирони меҳнатӣ ва аъзои оилаи онҳо ёддоштҳо дар мавзуъҳои “Роҳнамо дар бораи будубоши муҳоҷирони меҳнатӣ – шаҳрвандони Ҷумҳурии Тоҷикистон дар Федератсияи Россия”, “Қонунӣ гардонидани будубоши шаҳрвандони Ҷумҳурии Тоҷикистон дар Федератсияи Россия”, “Ёддоштҳо ба муҳоҷирони меҳнатии Ҷумҳурии Тоҷикистон, ки аз муҳоҷирати меҳнатӣ баргаштанд”, “Машварат ба муҳоҷирони меҳнатӣ”, “Ёддоштҳо барои шаҳрвандони Тоҷикистон оид ба масъалаи воридшавӣ ба Федератсияи Россия”, “Ҷойҳои кории холӣ ва вазифаҳои озод дар Ҷамъияти Саҳомии Кушодаи Неругоҳи Барқи Обии “Роғун”, “Дастур оид ба касбомӯзии шаҳрвандони бекор ва корҷӯй”, “Биёед, кӯшишҳои худро якҷо намуда, дар ҳамбастагӣ ба коррупсия муқовимат намоем”, “Мо бар зидди терроризм ва экстремизм (ифротгароӣ)”, “Аз санҷиши ВНМО гузар”, “Мо зидди савдои инсонем”, “Мубориза ба муқобили хариду фурӯши одамон”, “Зўроварӣ дар оила нисбати занони муҳоҷир” ва ғайра ба дастрас гардонида шуд.
Дар ин раванд, масъулин баҳри иҷрои самарабахши дастуру супориш ва ҳидоятҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷиҳати таъмини рушди бонизоми соҳаҳои гуногун тадбирҳои ҳадафмандро пайваста роҳандозӣ менамоянд.
Ҳамзамон, ёдрас менамоем, ки аз ҷониби гурӯҳи корӣ корҳои фаҳмондадиҳӣ бо аҳолии ноҳияи Варзоб пайваста ба роҳ монда шуда, тамоми самтҳои афзалиятноки ҷомеа ба шаҳрвандон саҳеҳ ва муфассал расонида мешавад.
Маркази матбуоти Хадамоти муҳоҷират
