Кормандони шуъбаи Хадамоти муҳоҷират дар шаҳри Хуҷанд дар бозори “Панҷшанбе” ҷиҳати пурзур намудани корҳои фаҳмондадиҳӣ байни сокинони вилоят, бо мақсади баланд бардоштани сатҳи омодагии шаҳрвандон-муҳоҷирони меҳнатӣ пеш аз сафар, корҳои фаҳмондадиҳӣ баргузор намуданд.

Дар суҳбат бо шаҳрвандон, муҳоҷирони меҳнатӣ, доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ  пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди сертификат оиди донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти  муҳоҷирӣ, дар қайди муҳоҷирӣ истодан дар қаламрави Федератсияи Россия, гирифтани патент, тартиб додани шартномаи меҳнатӣ, танҳо бо шиносномаи хориҷӣ ворид  шудан, шомил нашудан ба ҳизбу ҳаракатҳои ифротгароӣ, экстремизм ва терроризм, муқовимат ба савдои одамон ва расонидани кумак ба қурбониёни савдои одамон, суханронӣ намуда, ба ҳар яки онҳо дастурамали мухтасар оиди муҳоҷирати меҳнатӣ, варақаҳои иттилоотӣ-маърифатӣ тақсим карда шуд. 

Ҳамзамон, қайд гардид, ки аксарияти муҳоҷирони мо аз сабаби надонистани қонуну қоидаи кишвари қабулкунанда, яъне забон, надоштани касбу ҳунар ҳангоми муҳоҷирати меҳнатӣ ба мушкилиҳои зиёд рӯ ба рӯ шуда, оқибат фирефтаи ҳар гуна ҳизбу ҳаракатҳои бадхоҳон гардида, аз қаламрави ФР ронда мешаванд.

Инчунин, даъват ба амал оварда шуд, ки дар давлати бегона эҳтиёткориро аз даст надода, фарҳангу тамаддуни миллати хешро ҳифз намуда, қонунҳои будубоши муҳоҷирати меҳнатиро риоя намоянд.

Маркази матбуоти Хадамоти муҳоҷират