Тибқи нақша – чорабиниҳо бахши Хадамоти муҳоҷират дар ноҳияи Айнӣ дар ҷамоати шаҳраки Зарафшон дар ҳамкорӣ бо намояндаи ҷамоати шаҳрак Қодиров И., вохӯрӣ ба роҳ монда, ба самъи сокинон доир ба қабули Фармони Президенти Федератсияи Россия аз 28 апрели соли 2025, №272 вобаста ба тағйироту илова ба фармони Президенти Федератсияи Россия аз 30 декабри соли 2024, №1126 муҳлати қонунигардонии дар Федератсияи Россия то 10 сентябри соли 2025 тамдид карда шуда, барои шаҳрвандони хориҷӣ, ки мушкилот дар самти таҳияи ҳуҷҷатҳои будубош доранд, суханронӣ намуданд.
Бояд тазаккур дод, ки Фармони мазкур ба шаҳрвандон имконият медиҳад, ки то 10 сентябри соли 2025 ҷиҳати барасмиятдарории фаъолияти меҳнатӣ ба мақомотҳои салоҳиятдор муроҷиат намуда фаъолияти меҳнатии худро қонунӣ гардонанд.
Дар дилхоҳ ҳолати дучор шудан ба ҳар гуна мушкилот ва поймол гардидани ҳуқуқу уҳдадориҳои шаҳрвандон метавонанд ба Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия муроҷиат намоянд.
Ҳамзамон, намояндаи бахши Хадамоти муҳҷоират вобаста ба риояи қонунгузории кишвари иқомат, расман фаъолият намудан ва ба имзо расонидани шартномаи меҳнатӣ бо корфармо, риояи техникаи бехатарӣ ҳангоми фаъолияти меҳнатӣ, танзими ҳуҷҷатҳои будубош, интихоби тарзи ҳаёти солим ва дигар масъалаҳои муҳим дар ин самтро ба самъи иштирокчиён вохӯрӣ расониданд.
Зикр гардид, ки фаъолияти қонунӣ дар кишвари иқомат барои ҳар шаҳрванди хориҷӣ кафолати меҳнатӣ дода, дар ҳолати сар задани ҳолатҳои нохуш дар истеҳсолот корфармо ҷиҳати бартараф намудани оқибатҳои он тадбирҳо меандешанд.
Таъкид гардид, ки муҳоҷирони меҳнатиро зарур аст, ки аз гурӯҳҳои манфиатҷу ва ифротгарову хурофотпараст дурӣ ҷуста, шабакаҳои иҷтимоиро самаранок истифода намуда, берун аз фаъолияти меҳнатӣ ба китобхона, театр ва осорхона, ки ба ҷаҳонбинии ҳар шаҳрванд замина мегузоранд рафта, ба омӯзиш машғул шаванд.
Бояд қайд кард, ки чунин як чорабинӣ бо ташаббуси шуъбаи Хадамоти муҳоҷират дар шаҳри Хуҷанд бо раисони кумитаҳои маҳаллаи шаҳрӣ ташкил ва баргузор карда шуд.
Раёсати Хадамоти муҳоҷират дар вилояти Суғд
