Бо ибтикори бахши Хадамоти муҳоҷират дар ноҳияи Зафаробод дар Ҷамоати деҳоти Ҷомӣ деҳаи Зарафшон  вохӯрии судманд бо фаъолон ва муҳоҷирони ба ватан бозгашта ва аъзои оилаи онҳо баргузор гардид.

Дар вохурӣ муовини Раиси ноҳия Шарифзода Туйғун, муовини раиси Кумитаи иҷроияи ҲХДТ дар вилояти Суғд Салимов Фирдавс, муовини раиси Кумитаи иҷроияи ҲХДТ дар ноҳия Ашурзода Рузӣ, раиси Ҷамоати деҳоти Ҷомӣ Фозилов Фаридун, сардори Шуъбаи Агентии меҳнат ва шуғли аҳолӣ дар ноҳия Шералиев Сабур иштирок ва суханронӣ намуданд.

Нахуст, мулоқоти мазкурро раиси Ҷамоати деҳоти Ҷомӣ Фозилов Фаридун ҳусни ифтитоҳ бахшида, ташрифи меҳмонон ба ноҳия хайрамақдам намуд.

Сипас, муовини Раиси КИ ҲХДТ дар вилояти Суғд Салимов Фирдавс суханронӣ намуда, омилҳои ҷалб гардидани ҷавонон ба гурӯҳҳои экстремистиву террористӣ, баланд бардоштани ҳисси ватандустӣ дар замири насли ҷавони кишвар, гузоштани саҳми муносиб дар пешбурди ҳаёти иқтисодиву иҷтимоии ҷомеъ баёни назар намуданд. Инчунин, зикр намуданд, ки мо бояд ҷараёни хониши фарзандонамон бо хабар бошем.

Дар идома, мудири бахши Хадамоти муҳоҷират дар ноҳияи Зафаробод Аслонзода Илҳом оид ба қонунгузории нави Федератсияи Россия дар самти муҳҷирати меҳнатӣ, омодагии пеш аз сафар, бақайдгрӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забонӣ русӣ, таъриху тамаддун ва асосҳои қонунгузории Федератсияи Россия, тарзи супоридани имтиҳон, гирифтани корти муҳоҷирӣ ва дар қайди муҳоҷир истодан, грифтани Патент ва дигар масъалаҳои мубрами рӯз, суханронӣ намуд.

Ҳамзамон, бо иштирокдорон оид ба иҷроиши фармони Президенти Федератсияи Россия аз 28 апрели соли 2025, таҳти № 272 “Оид ворид намудани тағйироту илова ба фармони Президенти Федератсияи Россия аз 30 декабри соли 2024, таҳти №1126”  муҳлати қонунигардонӣ дар Федератсияи Россия то 10 сентябри соли 2025 тамдид карда шудааст, шинос карда шуд.

Сокинони деҳаи Зарафшон аз ин мулоқот таасуроти ғанӣ бардошта, онҳо низ андешаҳои худро дар самти пешрафти диёр баён намуданд.

Раёсати Хадамоти муҳоҷират дар вилояти Суғд