Тибқи нақшаи муштаракаи Мақомоти иҷроияи ҳокимияти давлатии ноҳияи Темурмалик суҳбату вохӯриҳо бо сокинон, фаъолон, муҳоҷирони ба ватан бозгашта дар ҷамоати шаҳраки Баҳманруд баргузор гардид.

Зимни вохӯрӣ баромадкунандагон оид ба моҳияти баргузории вохӯрӣ, Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” ва ҷараёни татбиқи Қонунҳои Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон” ва “Дар бораи масъулият барои таълиму тарбияи кӯдак”, муҳоҷирати шаҳрвандон ба хориҷи кишвар, қоидаҳои ва қонунҳои нави мухоҷират, моҳияти терроризму экстремизм, пешгирии аз амалҳои коррупсионӣ бахусус хусусияти динидошта, ҳадафҳои ғаразноки ҳизбу ҳаракатҳои дар кишвар мамнуъ, пешгирии шомилшавии ҷавонон, бахусус муҳоҷирон ва ҷавонони дар хориҷ таҳсилдошта ба гурӯҳҳои ғайриқонунӣ, макру найранг ва роҳҳои ҷалби ҷавонон ба ҳизбу ҳаракатҳои иртиҷоӣ ва террористиву экстремистӣ, эҳсоси масъулият дар раванди ҳифзи амнияти кишвар шуғли пурмаҳсул, дуруст танзим намудани аҳолӣ ба раванди муҳоҷират ба хориҷ, афзалияти кор дар замин ва зарурияти руёнидани 2-3 ҳосил дар як сол, зарурияти доштани маводи ғизои на кам аз ду сол,  шомил нашудан ба гурӯҳҳои экстремистию террористӣ, ҷалби ҷавонон ба хизмати ҳарбӣ, тоза кардани имону эътиқод аз хурофот ва таассуб, соҳибкасб гардидани аҳолии бешуғл, аз ҷумла занону бонувон ва дигар масъалаҳои ҷорӣ гуфта гузаштанд.

Ҳамзамон, зимни вохӯрӣ бо сокинон, таъкид карда шуд, ки истифодаи самараноки нерӯи барқ на танҳо ба коҳиши хароҷоти хонаводагӣ, балки ба таъмини устувории низоми энергетикии кишвар дар мавсими сармо мусоидат мекунад. Аҳамияти истифодаи лампаҳои каммасраф, хомӯш кардани таҷҳизоти барқӣ дар ҳолати ғайриқуллашавӣ ва риояи қоидаҳои сарфаи нерӯи барқро ба сокинон шарҳ дода шуд.

Дар охир ба саволҳои иштирокчиёни вохӯрӣ аз ҷониби масъулин посухҳои мушаххас дода шуд.Вохӯрӣ дар фазои якдигарфаҳмӣ ва ҳусни тафовут доир гардид.

Раёсати Хадамоти муҳоҷират дар вилояти Хатлон