Гурӯҳи кории Мақомоти иҷроияи ҳокимияти давлатии шаҳри Турсунзода якҷоя бо КИ ҲХДТ, ки дар он намояндаи шуъбаи Хадамоти муҳоҷират низ шомил аст, дар деҳаҳои Байналмилал ва Иттифоқи ҷамоати деҳоти Регари шаҳри Турсунзода суҳбату вохӯриҳо бо намояндагони ҷамоати деҳот, фаъолону сокинони деҳа, имомхатибон, раисони маҳаллаҳо баргузор намуданд.
Дар чорабинӣ масъулин суханронӣ намуда, зимни сӯҳбат вобаста ба масъалаҳои пешгирии шомилшавии ҷавонон ба ҳизбу ҳаракатҳои ифротгаро, террористию экстремистӣ, риояи талаботи қонунҳои Ҷумҳурии Тоҷикистон “Дар бораи масъулият барои таълиму тарбияи кӯдак”, “Дар бораи танзими ҷашну маросим дар Ҷумҳурии Тоҷикистон”, оид ба иҷрои дастуру супоришҳои Президентии Ҷумҳурии Тоҷикистон муҳтарам Эмомалӣ Раҳмон, ки зимни мулоқот бо фаъолон, намояндагони ҷомеа ва ходимони дини кишвар баён доштанд, дастовардҳои даврони соҳибистиқлолӣ, бунёдкориву созандагӣ, тақлид ба урфу одатҳои бегона, пешгирии ҷинояткорӣ, қонуншиканӣ, ҳамзамон масъалаҳои муҳоҷирати меҳнатӣ, шуғлнокӣ, одамрабоӣ, даъвати ҷавонон ба хизмати ҳарбӣ, баланд бардоштани маданияти истифодабарии қувваи барқ ва пардохти маблағи он, оид ба истифодаи оқилонаи заминҳои наздиҳавлигӣ, президентӣ, хоҷагиҳои деҳқонӣ, инчунин вобаста ба баланд бардоштани сатҳи маърифатнокии шаҳрвандон, тарғиби арзишҳои миллӣ, корҳои ободониву бунёдкорӣ, озмунҳои ҷумҳуриявӣ ва дигар масъалаҳои мубрами рӯз андешаронӣ намуданд.
Аз ҷумла, дар вохӯрӣ сардори шуъбаи Хадамоти муҳоҷират Камолиддин Бобозода, баромад намуда, қайд намуд, ки он шаҳрвандоне, ки айни замон дар кишвари Россия кору фаъолият доранд, риояи қонунгузории кишвари иқомат, тартиби ба роҳ мондани фаъолияти ҳар як муҳоҷир тибқи талаботҳои муқаррарнамудаи қонунгузорӣ, барасмиятдарории саривақтии ҳуҷҷатҳои дахлдори танзимкунандаи будубоши қонунӣ, дури ҷустан аз ҳар гуна гурӯҳҳои террористиву экстремистӣ, ифротгарову хуруфотпараст ва оиди бемориҳои вируси норасоии масъунияти бадан (ВИЧ/СПИД) суханронӣ намуд. Чунин мулоқоту вохӯриҳои судманд тибқи нақша идома дорад.
Шуъбаи Хадамоти муҳоҷират дар шаҳри Турсунзода
