Тибқи нақшаи баргузории вохӯриҳои КИ ҲХДТ дар ноҳияи Темурмалик ва нақшаи муштараки сохторҳои дахлдори Мақомоти иҷроияи ҳокимияти давлатии ноҳия ҷиҳати баргузории вохӯриҳо бо сокинони ноҳия, дар деҳаи Дӯстии ҷамоати деҳоти Ҳусайнободи ноҳия вохӯрии навбатӣ баргузор карда шуд.
Дар вохӯрии мазкур муовини Раиси ноҳия Аслиддин Айниддин, раиси КИ ҲХДТ дар ноҳия Раҷабзода Маҳмасаид, мудирони бахши Хадамоти муҳоҷират Сафарзода Баҳодур ва бахши кор бо ҷавонон ва варзиш Наимзода Муҳаммад иштирок ва суханронӣ намуданд.
Ҳайати гурӯҳи тарғиботӣ бо сокинон доир ба риояи меъёрҳои Қонунҳои Ҷумҳурии Тоҷикистон “Дар бораи масъулият барои таълиму тарбияи кӯдак”, “Дар бораи танзими ҷашну маросим дар Ҷумҳурии Тоҷикистон”, “Дар бораи тарбияи ватандӯстии шаҳрвандон” ва фаҳмонидани талаботи Қонуни Ҷумҳурии Тоҷикистон аз 15 апрели соли 2025, №2163 “Дар бораи ворид намудани иловаҳо ба Кодекси ҷиноятии Ҷумҳурии Тоҷикистон” моддаи 253 қисми 1- вайрон кардани қоида аз меъёрҳои истифодаи қувваи барқ ва Қонуни Ҷумҳурии Тоҷикистон аз 15-уми апрели соли 2025, №2164 “Дар бораи ворид намудани тағйир ба Кодекси ҳуқуқвайронкунии маъмурии Ҷумҳурии Тоҷикистон” моддаи 382 – риоя накардани қоидаҳои истифодаи қувваи барқ ва гармӣ, пешгирии шомилшавӣ ба ҳаргуна ҳизбу ҳаракатҳои дорои хусусияти экстремистиву террористӣ ва пешгирии тақлид ба фарҳанги бегона, муҳоҷирати бехатар суханронӣ намуданд.
Инчунин, доир ба ҳифзи Истиқлоли давлатӣ, пойдории Ваҳдати миллӣ, устувор нигоҳ доштани давлатдории миллӣ, сарҷамъии миллат, ҳифзи арзишҳои миллӣ, тарғиби андешаи миллӣ, вусъати корҳои ободонӣ, тозаву озода нигоҳ доштан хонаву манзили шахсии сокинон, захираи ғизои дусола, самаранок истифода бурдани заминҳои наздиҳавлигӣ, даъват ба корҳои ободониву созандагӣ таъкид карда шуд.
Дар фарҷоми вохӯрӣ ба иштирокдорон варақаҳои иттилоотӣ ва раҳнамои Хадамоти муҳоҷират тақсим карда шуд.
Раёсати Хадамоти муҳоҷират дар вилояти Хатлон
