Бо ташаббусти бахши Хадамоти муҳоҷират дар ноҳияи Кӯҳистони Мастчоҳ вохӯрии саривақтӣ бо сокинон ва пайвандону наздикони муҳоҷирони меҳнатӣ доир ба тағйиротҳо дар қонунгузории Федератсияи Россия ва будубоши шаҳрвандони Ҷумҳурии Тоҷикистон дар қаламрави он баргузор гардид.
Дар рафти чорабинӣ мудири бахши Хадамоти муҳоҷират Ниёзодда М., ба ҳозирин доир ба тартиби гирифтани Сертификат оиди донистани забони русӣ, таърих ва қонунгузории ин кишвар, ҷамъоварии ҳуҷҷатҳои зарурӣ барои гирифтани иҷозатнома ба кор, тартиби бастани шартномаи меҳнатӣ бо корфармо, оғоз намудан ва ба роҳ мондани фаъолияти меҳнатӣ дар доираи қонунгузорӣ ва талаботи шартномаи тарафайн. Инчунин донистани қонунҳои дахлдор бо муҳоҷирон дар ҳудуди Федератсияи Россия суҳбат, пурсиш ва посухҳои мушаххас сурат гирифт.
Ҳамзамон, ба таваҷҷуҳи сокинони ноҳия расонида шуда, таъкид гардид, ки оиди қонуни кор ва зиндагӣ намудан дар ҳудуди Федератсияи Россия Фармони Президенти ФР ба имзо расидааст, ки аз 28.04.2025 ба он тағйирот ворид гардид, муҳоҷирони меҳнатие, ки дар ҳуҷҷатгузории худ мушкилот доранд метавонанд то санаи 10.09.2025 будубош ва иқомати худро дар давлати номбурда қонунӣ гардонанд.
Инчунин, таъкид намуд, ки дар Федератсияи Россия истифода аз интернет, мисли навиштани шарҳҳо, писандидани мавод, гузоштан ва бознашру ҳамагони кардани он, агар ин амалҳо ҳамчун таблиғ ё сафед кардани терроризм арзёби шаванд, метавонад боиси зиндонӣ шудани одамон гардад.
Дар охир ба шунавандагон оиди дастуру супоришҳои Ассосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати тағйирот ба Кодекси ҷиноятии Ҷумҳурии Тоҷикистон моддаи 253 қисми 1 аз 15.04.2025, №2163 ва Кодекси ҳуқуқвайронкунии маъмурии Ҷумҳурии Тоҷикистон моддаи 382. Риоя накардани қоидаҳои истифодаи нерӯи барқ ва гармӣ, тағйирот ворид карда шуда, маълумоти муфассал дода шуд.
Дар баробари ин аз сокинон ва шунавандагон хоҳиш карда шуд, ки ҷиҳати сарфаю сариштакорона истифода намудани нерӯи барқ кӯшиш намоянд ва ба истифодаи ғайримақсаднок ва бар хилофи қонун амал нанамоянд.
Раёсати Хадамоти муҳоҷират дар вилояти Суғд
