Бо ибтикори бахши Хадамоти муҳоҷират дар ноҳияи Ашт мулоқоти судманд бо сокинони Ҷамоати деҳоти Понғоз, бо иштироки мудири бахши Хадамоти муҳоҷират Назарова Сулҳия ва намоянади бахши кор бо занон ва оилаи ноҳия Фахриддинова Шарифа, баргузор гардид.
Бо мақсади дар амал татбиқ намудани дастуру супоришҳои Роҳбарияти Олии мамлакат, Пешвои муаззами миллат муҳтарам Эмомалӣ Раҳмон, ҷиҳати тақвият бахшидани корҳои фаҳмондадиҳӣ бо усули суҳбатҳои рӯ ба рӯ оид ба пешгирии шомилшавии ҷавонон ба ҳизбу ҳаракатҳои экстремистиву террористӣ, савдои одамон, масъулияти падару модар дар тарбияи кӯдак, қонунҳои нави Федератсияи Россия дар самти муҳоҷират, пешгирии бегонапарстӣ ва посу хотир нигоҳ доштани фарҳанги аҷдодии миллӣ ва дигар масъалаҳои мубрам пайваста миёни сокинон мулоқоту вохӯриҳо, гузаронида шуда истодааст.
Қайд карда шуд, ки ҳар як инсони боимону оқил бояд ифтихор намояд, ки дар тӯли солҳои Истиқлоли давлатии Ҷумҳурии Тоҷикистон бо сарварии Пешвои миллат чи қадар дигаргуниҳои куллӣ дар бобатӣ ба эътидол овардани вазъи сиёсию иқтисодии мамлакат, дарёфт намудани роҳи рушди босуботи иқтисодию иҷтимоии кишвар ва дар ин асосос баланд бардоштани сатҳи зиндагии мардум ба амал омадааст. Ҳарчанд, ки роҳи тайнамудаи Тоҷикистон дар ҷодаи ваҳдату якпорчагӣ ҳамвору яксон набуд, вале мардуми шарафманди мо ба хотири таҳкими пояҳои давлатдории миллӣ, ҳифзи марзу буми аҷдодӣ, сарҷамъии миллат, густариши фазои сулҳу оромӣ ва тақвияти худшиносии миллӣ саъю талошҳои бесобиқа анҷом додаанд ва итминони комил дорам, ки наслҳои оянда аз онҳо ҳамчун намунаи ватандориву ватандӯстӣ ёд хоҳанд кард.
Ҳар як фарди бонангу номус ва худогоҳи ҷомеъа бояд ҳамеша дар хотир дошта бошад, ки танҳо истиқлолияту озодӣ омили муҳимтарини пойдории давлат ва бақои миллат мебошад ва вазифаи ҳаммаи мост, ки ба хотири ҳифзу тақвияти ин муқаддассоти миллӣ пайгирона кӯшиш намоем.
Раёсати Хадамоти муҳоҷират дар вилояти Суғд
