Бо ташаббуси бахши Хадамоти муҳҷират дар ноҳияи Ашт вохӯривӣ бо сокинони ноҳия дар бозори марказии шаҳраки Шайдон баргузор гардид.
Дар рафти вохӯрӣ аз ҷониби намояндаи бахши Хадамоти муҳоҷират кайд карда шуд, ки муҳоҷирон бояд ҳушёриву зиракиро аз даст надиҳанд ва пеш аз ҳама ҳангоми баромадан ба сафар бояд пурра забони давлати кабулкунандаро аз худ кунанд ва дар муҳоҷират ҳама вақт бо худ шиноснома, корти муҳоҷират, огоҳиномаи гузоштан дар қайди муҳоҷират, гирифтани Патент барои кор бо расиди пардохти андоз, санади бимаи ихтиёрии тиббӣ дошта бошанд.
Муҳоҷирати меҳнатӣ падидаи мусбат буда, имконият медиҳад, ки муҳоҷирон дар кишварҳои дигар кори муносиб ёфта, шароити зисту зиндагии худро беҳтар созанд, аммо паст будани сатҳи дониши ҳуқуқӣ ва беэҳтиётӣ ҳангоми муҳоҷирати меҳнатӣ метавонад сабаби пайдоиши як қатор мушкилиҳо гардад, ба монанди, афтодан ба доми фиреб ҳангоми гирифтани ҳуҷҷатҳо, афтодан ба ғуломии меҳнатӣ, ба ғуломии шаҳвонӣ, фирефта шудан аз ҷониби гурӯҳҳои ифротгаро, пурра ё қисман гирифта натавонистани ҳақи меҳнати худ, гирифтор шудан ба зуроварии равонӣ ё ҷисмонӣ, зуран гирифтани ҳуҷҷатҳои муҳоҷирон ва маҳдуд кардани озодии муҳоҷир аз ҷониби корфармоён ё шахсони дигар оварда мерасонад.
Бинобарин, ба рох мондани тарзи дурусти бақайдгирӣ, барасмиятдарорӣ, шартномаи меҳнатӣ, Сафорату Косулгарӣ Ҷумҳурии Тоҷикистон дар кишвари Россия, инчунин Намояндагии Вазорати меҳнат, муҳоҷират ва шуғли аҳолӣ Ҷумҳурии Тоҷикистон дар ФР, ташкилотҳои ғайридавлатие, ки ёрии ҳуқуқӣ мерасонад, донистани забони кишвари қабулкунанда, фарҳанг ва анъанаҳо, ҳифзи саломатӣ, ташриф ба ҷойҳои ҷамъиятӣ бо аъзои оила, боғчаҳо ва мактабҳо барои фарзандони Шумо, муносибат бо корфармоён, мақомоти ҳифзи ҳуқуқ ва Хадамоти ҳолатҳои фавкулодда ва истифодаи хизматрасониҳои бонкӣ кафили муҳоҷирати бехатар мебошад.
Бинобар ин, барои муҳоҷирати меҳнатии бехатар шаҳрванд бояд пешакӣ тайёрии ҷиддӣ дида, баъдан ба сафар барояд. Барои ин, пеш аз ҳама, кӯшиш кунед, ки хурду хӯроки аҳли хонаводаатонро ақалан барои ду-се моҳ захира карда, баъд ба сафар бароед. Хароҷотҳои сафаратонро ҳисоб кунед ва бо худ маблағи муайян бигиред, то дар мулки бегона имконияти пардохти иҷорапулӣ, тахт кардани ҳуҷҷатҳо ва харидани маводи ғизоиро дошта бошед.
Чунин чорабиниҳои иттилоотӣ-маърифатӣ дар ҷамоату деҳоти ноҳия низ баргузор хоҳад шуд.
Раёсати Хадамоти муҳоҷират дар вилояти Суғд
