Тибқи нақша чорабиниҳо бахши Хадамоти муҳоҷират дар ноҳияи Кӯҳистони Мастчоҳ дар деҳаи Андарвашти Ҷамоати деҳоти ба номи Иван-Тоҷик, бо муҳоҷирони дохилӣ, экологӣ ва наздикону пайвандони муҳоҷирони меҳнатӣ, оиди Қонунҳои Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон”, “Дар бораи масъулият барои таълиму тарбияи кӯдак”, оиди бемориҳои сирояткунанда ба монанди ВНМО ва пешгирӣ аз он, муҳоҷирати бехатар, ҷалби муҳоҷирони меҳнатии дохилӣ барои фаъолияти меҳнатӣ дар НБО “Роғун” ва пешгирӣ аз шомилшавии ҷавонон ба ҳизбу ҳаракатҳои иртиҷоӣ, вохӯрӣ ва пурсишу посухҳои ба маврид ва саривақтӣ сурат гирифт.
Дар вохӯрӣ таъкид гардид, ки мақсади қабули Қонуни Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон” ҷилавгирӣ аз хароҷоти зиёдатӣ, зоҳирпарастӣ ва роҳ надодан ба исрофкорӣ ҳангоми баргузор намудани ҷашну маросим, беҳтар намудани шароити зиндагии мардум, паст кардани сатҳи камбизоатӣ дар ҷомеа ва аз байн бурдани хурофот ва амсоли инҳо ба ҳисоб рафта, қабули он саривақти ва ба маврид мебошад.
Ҳамзамон, аз иштирокчиён даъват ба амал оварда шуд, ки ҷиҳати сарфаву сариштакорона истифода бурдани нерӯи барқро ҳам аҳамияти ҷиддӣ диҳанд, зеро аз берун дахолат намудан ба таҷҳизоти ҳисоби барқӣ ва тағйир додани нишондоди он бо мақсади насупоридан ё кам нишон додани маблағи истифодаи барқ ва бе пайвасткуни ҳисоби барқӣ, мувофиқи тайиру иловаҳо ба “Кодекси ҷиноятиии Ҷумҳурии Тоҷикистон ” ҷазои маъмурӣ ва ҷиноятӣ пешбини шудааст. Дар сурати даст задани шаҳрванд ба чунин кирдорҳои дар боло зикр гардида ва амсоли онҳо нисбати шахс ҷазо татбиқ карда мешавад.
Раёсати Хадамоти муҳоҷират дар вилояти Суғд
