Бо ибтикори бахши Хадамоти муҳоҷират дар ноҳияи Зафаробод дар Ҷамоати деҳоти Ҷомӣ деҳаи Ҷавони таҳти роҳбарии муовини Раиси ноҳия Абдусаломзода М., вохӯрии судманд бо муҳоҷирзанон ва муҳоҷирони ба ватан баргашта вобаста ба масъалаи будубош ва фаъолияти меҳнатӣ дар муҳоҷират, аз ҷумла шаҳрвандони Ҷумҳурии Тоҷикистон, ки ба қаламрави Федератсияи Россия ворид мегарданд, шиддати паст кардани занҳо ба муҳоҷирати меҳнатӣ, шиносоӣ бо қонунҳои амалкунанда, пешгирии ҳодисаҳои номатлуб байни ҷавонон, муҳоҷират, терроризм ва экстремизм ва рафти амалишавии Қонунҳои Ҷумҳурии Тоҷикистон “Дар бораи муҳоҷират”, “Дар бораи масъулияти падару модар дар таълиму тарбияи фарзанд” ва “Дар бораи танзими анъана ва ҷашну маросим дар Ҷумҳурии Тоҷикистон ” баргузор гардид.

Дар рафти мулоқот қайд гардид, ки бархе аз ҷавонону наврасон бинобар сабаби бемасъулиятиву оворагардӣ ва надоштани маълумоти пурра аз таъсири оқибатҳои ноустуворӣ шабакаҳои иҷтимоӣ, побандӣ раванди зуҳуроти гуногуни номатлуби ҷомеа мегарданд.

Аз ин рӯ, насли калонсол – падару модарон, омӯзгорон ва дигар табақаҳои аҳолии мамлакатро зарур аст, ки бо ҷавонон ва наврасон ҳамаҷониба ҳамкорӣ намуда, ба онҳо роҳи дурӯсти ба камолрасӣ ва муваффақ шуданро дар соҳаи мухталифи зиндагӣ нишон диҳанд.

Барои пойдории сулҳу суббот оромиву осудагӣ дар Тоҷикистони азизамон, фикр мекунем, ки яке аз роҳҳои асосии мубориза бар зидди терроризм тарбия кардани ҳисси ватанхоҳиву ватандустӣ, меҳнатпарастӣ ва худогоҳии миллӣ мебошад.

Дар дигар ҷамоату деҳот ва маҳаллаҳои ноҳия гузаронидани чунин чорабиниҳо идома доранд.

Раёсати Хадамоти муҳоҷират дар вилояти Суғд