Бо ибтикори Бахши Хадамоти муҳоҷират дар ноҳияи Кӯҳистони Мастчоҳ дар деҳаи Сабағ Ҷамоати деҳоти Лангар бо ҷавонон ва волидони муҳоҷирони меҳнатӣ оиди соли 2024 эълон гардидани «Соли маърифати ҳуқуқӣ», Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» ва пешгирӣ аз шомилшавии ҷавонон ба ҳизбу ҳаракатҳои террористиву экстремистӣ вохӯрӣ судманд баргузор гардид.
Дар вохӯрӣ корманди бахши Хадамоти муҳоҷират таъкид намуд, ки дар самти баланд бардоштани маърифати ҳуқуқии шаҳрвандон, муттаҳидӣ ва ҳамкории мутақобилаи ҳамаи ниҳодҳои ҷамъиятӣ зарур аст.
Ин вазифаи натанҳо давлат, балки тамомӣ аъзои ҷомеа мебошад.
Бинобар ин бояд ҳамаи мо дар ин самт бетараф набошем ва то қадри имкон тамоми дониш, малака, таҷриба, неру ва имкониятҳои худро барои иҷрои вазифаҳое, ки барои пешрафти ҷомеа мусоидат менамоянд, равона намоем.
Ҳамзамон ёдовар шуд, ки маърифати ҳуқуқӣ бояд аз оила низ оғоз гардад.
Яке аз талаботҳои Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» волидайнро вазифадор менамояд, ки фарзандро дар руҳияи эҳтиром ба Ватан, қонун, арзишҳои миллӣ ва умумибашарӣ, инчунин бартарии манфиатҳои миллӣ тарбия намоянд.
Бешубҳа талаботи мазкур, пеш аз ҳама ба хотири инкишофи ҳамаҷонибаи фарзанд ва барои баланд бардоштани маърифати ҳуқуқиаш равона гардидааст.
Ҳамзамон боз чунин як чорабинӣ дар ноҳияи Кӯҳистони Мастчоҳ бо иштироки хонандагон ва омузгорон доир ба мавзуи “Пешгирии шомилшавии ҷавонон ба ҳизбу ҳаракатҳои номатлуб” гузаронида шуд.
Раёсати Хадамоти муҳоҷират дар вилояти Суғд
