Ба хотири садди роҳи исрофкорӣ шудан дар истифодаи нерӯи барқ ва пешгирии талафёбии буҷаи иқтисодии хонаводаҳо Ҳукумати кишвар тадбирҳои зарурӣ андешид. Аз ҷумла, дар соҳаи энергетика ислоҳот ворид намуда, низоми нави ҳисоби хароҷоти истеҳсолу интиқол ва тақсимоти нерӯи барқ, ҷорӣ намудани низоми нави электронии механизми муосири баҳисобгирӣ ва ҷамъоварии маблағи нерӯи барқ ва дигар чораандешиҳоро ба роҳ монд.
Мо мардуми шарифи Тоҷикистон зарур аст, ки бо дарки баланди масъулиятшиносӣ ва ҳисси маърифатнокӣ аз нерӯи барқи мавҷуда, ки норасоии он хусусияти мавсимию муваққатӣ дорад, сарфакорона истифода намоем. Истифодаи босамару сарфаҷӯёнаи нерӯи барқ натанҳо ба рушди босуботи иқтисодии оила муосидат менамояд.
Хотиррасон менамоем, ки бо назардошти барқияи ҳукуматӣ аз 28-уми апрели соли 2025, №24/2-37 бобати иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷиҳати таъмини мунтазами аҳолӣ ва корхонаҳо бо нерӯи барқ, сарфаю сариштакорӣ, пешгирии талафот ва дуздии нерӯи барқ амри раиси ноҳияи Варзоб аз 5-уми майи соли 2025, №46 «Дар бораи таъсиси гурӯҳи кории ноҳиявӣ» тасдиқ гардида, корҳои таблиғотиву ташвиқотӣ бо роҳбарии муовини якум ва муовинони раиси ноҳия ба роҳ монда шудааст, ки дар рафти он намояндагони мақомотҳои ҳифзи ҳуқуқ ва масъулини ташкилоту муассисаҳои дар ҳудуди ноҳия фаъолиятдошта, иштирок ва суханронӣ мекунанд.
Зимни мулоқот баромадкунандагон дар мавзуъҳои зерин суханронӣ менамоянд, аз он ҷумла: дар бораи тарбияи ахлоқию хештаншиносии аҳолӣ доир ба тарғиботу ташвиқоти сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, атрофи самараноку оқилона истифода бурдани нерӯи барқ ва пардохти саривақтии истифодаи он ва дигар масъалаҳои мубрами рӯз, зимни вохӯриҳо ба роҳ монда шудааст.
Ҳамзамон, аз ҷониби масъулин қайд гардид, ки дар даврони соҳибистиқлолӣ таҳти сиёсати хирадмандонаву бунёдкоронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мардуми кишвар ба эъмори ҷомеаи демокративу ҳуқуқбунёд оғоз намуданд ва ба муваффақияти зиёд дар соҳаҳои мухталиф, аз ҷумла энергетика, ноил гардиданд.
Ҳамчунин, масъулин иброз менамоянд, ки 15-уми апрели соли 2025 Президенти Ҷумҳурии Тоҷикистон муҳтарам Эмомалӣ Раҳмон дар қатори дигар қонунҳо ба Қонуни Ҷумҳурии Тоҷикистон “Дар бораи ворид намудани тағйир ба Кодекси ҳуқуқвайронкунии маъмурии Ҷумҳурии Тоҷикистон” ва Қонуни Ҷумҳурии Тоҷикистон “Дар бораи ворид намудани илова ба Кодекси ҷиноятии Ҷумҳурии Тоҷикистон” имзо гузоштанд, ки ҳадафи асосии ворид намудани тағйир ба моддаи 382 Кодекси ҳуқуқвайронкунии маъмурии Ҷумҳурии Тоҷикистон ва ба Кодекси ҷиноятии Ҷумҳурии Тоҷикистон илова гардидани моддаи нав – моддаи 2531 пешгирии дахолати беасос ба таҷҳизоти ҳисоби нерӯи барқ ва вайронкуниҳои қоидаву меъёрҳои истифодаи қувваи барқ мебошад.
Баъдан аз ҷониби масъулин таъкид мегардад, ки сари вақт пардохт намудани маблағи истифодаи қувваи барқ ва истифода аз дастгоҳҳои каммасрафи барқӣ, масъулияти баланди шаҳрвандӣ ва нақши ҳар яки мо дар таъмини кори муназзами энергетикии мамлакат ва беҳтар гардидани вазъи таъминоти нерӯи барқ мебошад.
Ёдрас менамоем, ки масалаҳои матраҳшуда, зерии назоратии доимии раиси ноҳияи Варзоб Дамонзода Хусрав Назаралӣ қарор дошта, гурӯҳҳои корӣ оид ба масъалаи сарфакорона истифода бурдани нерӯи барқ корҳои фаҳмондадиҳиро ба роҳ монда, бо аҳолии ноҳия пайваста суҳбатҳо доир менамоянд.
Маврид ба зикр аст, ки дар рафти корҳои фаҳмондадиҳӣ аз сокинони ноҳия дастхатҳо гирифта мешавад.
Бахши Хадамоти муҳоҷират дар ноҳияи Варзоб
