Тибқи нақша чорабиниҳо ҷиҳати пурзур намудани корҳои иттилоотӣ – фаҳмондадиҳӣ байни муҳоҷирони меҳнатӣ ва аъзои оилаи онҳо, бо мақсади баланд бардоштани сатҳи омодагии муҳоҷирон пеш аз сафар кормандони Раёсати Хадамоти муҳоҷират дар вилояти Суғд, ва зерсохторҳои он дар ҶСК “Фурудгоҳи байналмилалии Хуҷанд” ва “Истгоҳи роҳи оҳан”-и Хуҷанд пеш аз сафар бо муҳоҷирони меҳнатӣ корҳои фаҳмондадиҳӣ-маърифатӣ гузаронида истодаанд.
Аз ҷумла, кормандони МД “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Хуҷанд якҷоя бо бахши Хадамоти муҳоҷират дар ҶСК “Фурудгоҳи байналмилалии Хуҷанд” ва “Истгоҳи роҳи оҳан” корҳои фаҳмондадиҳӣ гузарониданд.
Дар рафти суҳбат масъулин конуну қоидаҳои нави амалкунандаи Федератсияи Россияро ба шаҳрвандон фаҳмонида ба саволҳои пешниҳодгардида посухҳои қонеъкунанда гардониданда ба шаҳрвандон варақаҳои иттилоотӣ вобаста ба масъалаҳои муҳоҷират тақсим намуданд.
Қайд карда шуд, ки Фармони Президенти Федератсияи Россия аз 30 декабри соли 2024, № 1126 барои қонунигардонии шаҳрвандони хориҷӣ дар қаламрави кишвари иқомат шароит фароҳам оварда, муҳоҷирони меҳнатие, ки ғайриқонунӣ дар кишвари иқомат будубош менамоянд, метавонанд фаъолияти худро расмӣ намоянд.
Ҳамзамон, зимни вохӯрӣ вобаста ба тарбияи ватандӯстӣ ва ифтихории миллии ҷавонон, гиромӣ доштани арзишҳои милливу фарҳангӣ, арҷгузорӣ ба дастовардҳои даврони соҳибистиқлолии Тоҷикистон суханронӣ намуда, даъват ба амал оварда шуд, ки аз шомилшавӣ ба гурӯҳҳои экстремистиву террористӣ худдорӣ намоянд.
Раёсати Хадамоти муҳоҷират дар вилояти Суғд
