Бо ташаббуси шуъбаи Хадамоти муҳоҷират дар шаҳри Панҷакент дар маркази шаҳр бо фурӯшандагон, муҳоҷирони меҳнатӣ ва аъзои оилаи онҳо корҳои фаҳмондадиҳӣ гузаронида шуд.
Дар рафти мулоқот махсусан ҷиҳати пешгирии амалҳои хусусияти ифротгароидошта, касалиҳои сироятӣ, пешгирии амалҳои коррупсионӣ, кам намудани шиддати муҳоҷирати дар байни занон ва даъватшавандагон (ба сафи қувваҳои мусаллаҳ), намудҳои бадтарини меҳнати кудак, пешгирии зӯроварӣ дар оила ва тарғиботи ҳунармандӣ миёни занҳо ва машғул будан ба дилхоҳ намуди корҳои ҳунармандӣ, пешгирии хароҷоти зиёдати ва риояи қонуни соҳаи танзим суханронӣ карда шуд.
Ҳамчунин аз ҷониби кормандони шуъба варақаҳои иттилоотӣ маърифатӣ ба иштирокдорон тақсим карда шуд.
Бояд тазаккур дод ки чунин корҳои иттилоотӣ – маърифатӣ мунтазам дар байни шаҳрвандон ва муҳоҷирони меҳнатӣ ва аъзои оилаи онҳо гузаронида мешавад.
Раёсати Хадамоти муҳоҷират дар вилояти Суғд
