Бо ташаббуси Бахши Хадамоти муҳоҷират дар ноҳияи Ҷаббор Расулов ҷиҳати гузаронидани чорабиниҳои иттилоотӣ – маърифатӣ дар Ҷамоати деҳоти Ҳаёти нав деҳаи Меҳргон вохӯрии судманд бо сокинони ҷамоат, аз ҷумла муҳоҷирони меҳнатӣ ва аъзои оилаи онҳо баргузор гардид.
Дар вохӯрии мазкур мудири бахши Хадамоти муҳоҷират дар ноҳияи Ҷаббор Расулов Узоқов О., оид ба мавзӯъҳои пешгири содиршавии ҳодисаҳои номатлуб, аз қабили шомилшавии ҷавонон ба ҳизбу ҳаракатҳои террористиву экстремистӣ, ҷинояткорӣ аз ҷониби наврасону ҷавонон ва баланд бардоштани тарбияи ватандӯстии ҷавонон, баланд бардоштани маърифати сиёсию-ҳуқуқӣ ва фарҳангии онҳо, ҷалби саривақтии ҷавонон барои даъват ба хизмати ҳатмии ҳарбӣ дар сафи Қувваҳои Мусаллаҳи Ҷумҳурии Тоҷикистон, фаҳмонида додани моҳият ва тадбиқи Қонуни Ҷумҳурии Тоҷикистон “Дар бораи масъулияти падару модар дар таълим ва тарбияи фарзанд”, “Дар бораи танзими анъана ва ҷашну маросим дар Ҷумҳурии Тоҷикистон” ва ҳамзамон оид ба муҳоҷирати бехатар, қонунгузориҳои нави Федератсияи Россия, тарзи дуруст истифода бурдани шабакаҳои иҷтимоӣ суханронӣ карда шуд.
Зикр кардан ба маврид аст, ки чунин вохӯрии судманд дар дигар маҳалла ва ҷамоатҳо мунтазам гузаронида мешавад.
Раёсати Хадамоти муҳоҷират дар вилояти Суғд
