Санаи 10 сентябри соли 2025 дар асоси нақшаи корӣ бахши Хадамоти муҳоҷират, якҷоя бо КИ ҲХДТ дар ноҳияи Спитамен дар ЛКТ №68-и ноҳия бо касбомӯзон корҳои тарғиботию ташвиқотӣ, иттилотию фаҳмондадиҳӣ доир намуд.

Дар чорабинии мазкур Сатторова С., – мутахассиси пешбари бахши Хадамоти муҳоҷират дар ноҳия,  Қӯчқорова М., – мудири шуъбаи кор бо зонон ва ҷавонони КИ ҲХДТ дар ноҳия иштирок ва суханронӣ намуданд.

Дар чорабинии мазкур намояндаи бахши Хадамоти муҳоҷират дар ноҳия, вобаста ба масъалаҳои муҳоҷирати меҳнатӣ ба хориҷи кишвар, қонунӣ гардонидани будубоши шаҳрвандони Ҷумҳурии Тоҷикистон дар хориҷа, хусусан дар Федератсияи Россия, оид ба тағйиру иловаҳо  ба Кодекси ҳуқуқвайронкунии маъмурӣ ва ҷиноятии Ҷумҳурии Тоҷикистон оид ба истифодабарии қувваи барқ, тарбияи ватандӯстии шаҳрвандон, пешгирии бегонапарастӣ ва пос доштани фарҳанги аҷдодии миллӣ, муҳоҷирати бехатар ва муқовимат ба савдои одамон, мубориза бар зидди коррупсия, оид ба вазъи муҳоҷирони меҳнатие, ки дар Федератсияи Россия фаъолияти меҳнатию будубош доранд,  суханронӣ намуд.

Ҳамзамон, ба иштирокчиёне, ки хоҳиши сафар барои фаъолияти меҳнатӣ ба кишварҳои хориҷа, аз ҷумла Федератсияи Россия доранд дар бораи тартиби дароз намудан ва ё кам намудани муҳлати будубоши шаҳрвандони хориҷӣ ва шахсони бешаҳрванд дар Федератсияи Россия, ба расмият даровардани ҳуҷҷатҳо, гирифтани Патент, қайди муваққатӣ, бастани шартнома бо кордиҳанда ва дигар масъалаҳои мубрами рӯз фаҳмонида шуд.

Вобаста ба ин, аз иштироккунандагон хоҳиш карда мешавад, ки ба миёнаравон муроҷиат накарда, танҳо ба намояндагиҳои расмии Тоҷикистон дар дохили Ватан ва Федератсияи Россия муроҷиат намоянд.

Бояд қайд кард, чунин як чорабинӣ бо ибтикори шуъбаи Хадамоти муҳоҷират дар шаҳри Панҷакент бо иштироки муҳоҷирони меҳнатӣ ва аъзои оилаи онҳо баргузор карда шуд.

Раёсати Хадамоти муҳоҷират дар вилояти Суғд