Бо ибтикори Шуъбаи Хадамоти муҳоҷирати шаҳри Хуҷанд дар ҳамкорӣ бо кормандони Агентии меҳнат ва шуғли аҳолии шаҳр, шуъбаҳои ВКД ва шаҳрии Раёсати КДАМ, вохӯрӣ бо сокинони маҳаллаи «Шарқ» баргузор гардид.
Дар сӯҳбат бо шаҳрвандон доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷатгузорӣ дар Федератсияи Россия, таъриху тамаддун ва асосҳои қонунгузории ин кишвар, тарзи супоридани имтиҳонҳо, донистани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷири истодан, ёрии тиббӣ расонидан ба шаҳрвандони хориҷӣ дар қаламрави Федератсияи Россия, гирифтани Патент, тартиб додани шартномаи меҳнатӣ, танҳо бо шиносномаи хориҷӣ ворид шудан, шомил нашудан ба ҳизбу ҳаракатҳои ифротгароӣ, экстремизм ва терроризм ва муқовимат ба савдои одамон ва расонидани кӯмак ба қурбониёни савдои одамон, фаҳмонидани талаботҳои қонуни Ҷумҳурии Тоҷикистон “Дар бораи ҷашну маросим дар Ҷумҳурии Тоҷикистон” гузаронида шуд.
Бинобар ин, ба роҳ мондани тарзи дурусти бақайдгирӣ, барасмиятдарорӣ, шартномаи меҳнатӣ, Хадамоти консулӣ ва Сафорат, ташкилотҳои ғайри давлатие (ТҒД), ки ёрии ҳуқуқӣ мерасонад, донистани забони кишвари қабулкунанда, фарҳанг ва анъанаҳо, ҳифзи саломатӣ, ташриф ба ҷойҳои ҷамъиятӣ бо аъзои оила, муносибат бо корфармоён, моқомоти ҳифзи ҳуқуқ ва истифодаи хизматрасониҳои бонкӣ кафили муҳоҷирати бехатар мебошад.
Инчунин, аз тарафи кормандони ШВКД-и шаҳр ва намояндаи амнияти шаҳрӣ оиди пешгирии муҳоҷирон ва шаҳрвандон аз ҳизбу ҳаракатҳои ифротгароӣ муфассал гуфта шуд.
Зикр карда карда шуд, ки имрӯзҳо дар дунё ба миқдори зиёд гурӯҳҳои ғайриқонунии террористӣ ташкил гардид, онҳо фаъолияти хешро паҳн намуда истодаанд ва мақсади асосии онҳо ин ноором намудани вазъ бо истифода аз ғояҳои экстремистӣ ва ҷалби бештари пайравон дар сартосари ҷаҳон мебошад. Дар шароити замони муосир ҳаракатҳо ва гурӯҳҳои ашхоси тундгаро хеле зиёд шуда, хусусиятҳои инсонбандӣ тараққӣ ёфтааст.
Аз ин рӯ, мо бояд ҳушёриву зиракии сиёсиро аз даст надода, фирефтаи гумроҳи чунин ниятҳои нопоки ҳизбу ҳаракатҳои тундрав нагардида, ҷавононро ҳушдор созем, то ба онҳо шомил нагарданд.
Раёсати Хадамоти муҳоҷират дар вилояти Суғд
