Гурӯҳи тарғиботӣ дар ҳайати муовини раиси шаҳри Исфара Бобоиён Мадина, сардори шуъбаи Хадамоти муҳоҷират Ахмедов Мустақим, муовини сардори раёсати маорифи шаҳр Умарзода Фотима, сардори шуъбаи кор бо занон ва оила Асламӣ Фараҳноз бо фаъолон ва оилаҳои муҳоҷирони меҳнатӣ мулоқот баргузор гардид.

Дар рафти он аъзои гурӯҳи тарғиботӣ оид ба муҳтавои Паёми сарвари давлат, пешгирии шомилшавии ҷавонон ба гурӯҳҳои ифротгароӣ ва таълимоти ғайрирасмии динӣ, ҷалби ҷавонписарон ба сафи Қувваҳои Мусаллаҳи Ҷумҳурии Тоҷикистон, баланд бардоштани маърифати ҳуқуқии шаҳрвандон, пешгирии зуроварӣ дар оила, номзадшавии бармаҳал, ба касбомӯзӣ фаро гирифтани занону духтарони хонашин, пешгирӣ аз бемориҳои сироятӣ, тозаву озода нигоҳ доштани маҳалли зист, самаранок истифода бурдани қувваи барқ ва заминҳои наздиҳавлигӣ, тарзи дурусти истифодаи телефони мобилӣ, одоби муошират, рафти иҷрои Қонунҳои Ҷумҳурии Тоҷикистон ”Дар бораи масъулият барои таълим ва тарбияи кудак ” ва “Дар бораи танзиму анъана ва ҷашну маросим дар Ҷумҳурии Тоҷикистон “ суханронӣ намуданд.    

   Раёсати Хадамоти муҳоҷират дар вилояти Суғд