Бо ташаббуси шуъбаи Хадамоти муҳоҷират дар шаҳри Хуҷанд, тибқи нақша – чорабиниҳо дар шоҳроҳи мусофиркашонии “Роҳи Абрешим” бо шаҳрвандоне, ки ба кишвари Россия сафари меҳнатӣ доранд, вохӯрии судманд баргузор гардид.
Дар суҳбат бо шаҳрвандон – муҳоҷирони меҳнатӣ, доир ба фармони Президенти Федератсияи Россия аз 30.12.2024, № 1126 оиди шаҳрвандони хориҷие, ки маълумот дар бораи онҳо ба феҳрести шахсони назоратшаванда ворид шудаанд, бояд ихтиёран аз қаламрави ФР бароянд ё аз 1 январ то 10 сентябри соли 2025 бояд ҳолати ҳуқукии худро ба танзим дароранд (бе баромадан аз ҳудуди Россия ва бе назардошти мақсади воридшавӣ).
Инчунин, оид ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, ёрии тиббӣ расонидан ба шаҳрвандони хориҷӣ дар қаламрави Федератсияи Россия, гирифтани Патент, тартиб додани шартномаи меҳнатӣ, танҳо бо шиносномаи хориҷӣ ворид шудан, шомил нашудан ба ҳизбу ҳаракатҳои ифротгароӣ, экстремизм ва терроризм ва муқовимат ба савдои одамон ва расонидани кумак ба қурбониёни савдои одамон, суханронӣ намуданд
Ба шаҳрвандоне, ки майли сафар ба Федератсияи Россия доранд фаҳмонида шуд, вақте, ки дар корти муҳоҷиратӣ (миграционная карта) мақсадро “Работа” қайд менамоед бояд дар муддати 30 рӯз аз рӯзи ворид шудан ба Федератсияи Россия, ҳамаи ҳуҷҷатҳоро ҷамъоварӣ намуда, ба мақомоти минтақавии ВКД ФР бояд супоред. Патентро гирифта, ҳар моҳ пешпардохти андози патентро супоред. Дар асоси патент муҳоҷир метавонад 12 моҳ кор кунад ва бе баромадан аз ҳудуди Россия патенти нав барои соли оянда гирад. Агар муҳоҷир ҳамаи талаботҳоро пурра риоя намояд, ҳеҷ кас ӯро аз Россия хориҷ намекунад.
Ҳамзамон, ба шаҳрвандон дар бораи шомил нашудан ба ҳизбу ҳаракатҳои ифротгароӣ, экстремизм ва терроризм ва муқовимат ба савдои одамон, расонидани кумак ба қурбониёни савдои одамон суҳбатҳо намуда ба ҳар яки онҳо дастурамали мухтасар оид ба муҳоҷирати меҳнатӣ, брошюраҳо, варақаҳои иттилоотӣ-маърифатӣ тақсим карда шуд.
Бояд қайд кард, ки чунин як чорабинӣ бо ибтикори бахши Хадамоти муҳоҷират дар ноҳияи Деваштич бо муҳоҷирони меҳнатӣ ва аъзои оилаи онҳо баргузор карда шуд.
Раёсати Хадамоти муҳоҷират дар вилояти Суғд
