Вохӯрии навбатӣ бо иштироки муовини раиси шаҳри Исфара Бобоиён М., сардорони шуъбаи Хадамоти муҳоҷират дар шаҳри Исфара Ахмедов М., рушди иҷтимоӣ, робита бо ҷомеа Юлдошева Ш., раиси ҲХДТ Ҷӯраева Г., мудири бахши дин, танзими анъана ва ҷашну маросим Бафоев М., ва намояндаи ШКДАМ дар маҳаллаи Ҷ. Лафизови шаҳри Исфара бо иштироки зиёда аз 250 нафар шаҳрвандон, доир гашт.
Вохӯрӣ дар бораи Паёми имсола, элон гардидани соли 2024 “Соли маърифати ҳуқуқӣ”, пешгирии ҷавонон ба ҳар гуна ҳизбу ҳаракатҳои экстремистӣ ва террористӣ, даст задани ҷавонону ноболиғон ба ҷинояту ҷинояткорӣ ва пешгирии он, сабаби вайроншавии оилаҳои ҷавон ва пешгирии он, паҳншавии бемориҳои ВНМО (вич СПИД), гепатит (А, В, С) баргузор гардид.
Мавриди зикр аст, ки Паёми имсолаи Президенти мамлакат фарогирии тамоми паҳлуҳои ҳаётиву сиёсӣ, иқтисодиву иҷтимоии сокинони кишвар буда тақозо медиҳад, ки ҳар як фарди ватандӯст бояд барои дар амал тадбиқ намудани барномаву масъала ва ҳадафҳои дар Паём ироа гардида саъю талош намояд.
Зимни суханрониҳо вазъи бениҳоят печидаву мураккаби ҷаҳони имрӯза, аз қабили афзоиши хатари терроризму экстремизм ёдовар шуда таъкид гардид, ки дар чунин шароит ҳифзи манфиатҳои давлату миллат, сулҳу оромӣ ва субботи сиёсӣ, таҳкими ваҳдати миллӣ вазифаи ҷонӣ ва қарзи фарзандӣ ва рисолати ҳар фарди ба нангу номус, аз ҷумла ҷавонони саодатманди даврони истиқлол мебошад.
Барои пешгирӣ намудани паҳншавии фарҳанги бегона тадбирҳои мушаххас ва муассир андешидан зарур аст. Вохӯрӣ бо иштирокчиён таассуроти амиқ бахшид.
Дар рафти он аъзои гурӯҳи корӣ оид ба мӯҳтавои Паёми Сарвари давлат, пешгирии шомилшавии гурӯҳҳои ифротгаро ва таълимоти ғайрирасмии динӣ, ҷалби ҷавонписарон ба сафи Қувваҳои Мусаллаҳи Ҷумҳурии Тоҷикистон, баланд бардоштани маърифати ҳуқуқии шаҳрвандон, пешгирии зуроварӣ дар оила, ба касбомӯзӣ ва забономӯзӣ фаро гирифтани муҳоҷирони ба ватан баргашта, пешгирӣ аз бемориҳои сироятӣ, мубориза бар зидди коррупсия, мубориза алайҳи терроризм-экстремизм ва савдои одамон, рафти иҷрои Қонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва “Дар бораи танзими анъана ва ҷашну маросим дар Ҷумҳурии Тоҷикистон” сухан карданд.
Аз тарафи сардори шуъба Ахмедов М., вобаста ба масъалаҳои бо ҷойи кор таъмин намудани муҳоҷирони манъгашта дар ҶСК “НБО Роғун”, муҳоҷирати бехатар оид ба вазъи муҳоҷирони шаҳри Исфара, ки дар Федератсияи Россия фаъолияти меҳнатӣ доранд, инчунин дар бораи пешгирии шомилшавии ҷавонон ба ҳизбу ҳаракатҳои номатлуб, ҳамзамон, оид ба иҷрои Фармони Президенти Ҷумҳурии Тоҷикистон аз 1 июни соли 2021, № 187 “Дар бораи Стратегияи муқовимат ба экстремизм ва терроризм дар Ҷумҳуриии Тоҷикистон барои солҳои 2021-2025” ва дигар масъалаҳои мубрами рӯз суханронӣ намуд.
Дар охир ба суолҳои сершумори иштирокдорон посухҳои мушаххас дода шуд.
Раёсати Хадамоти муҳоҷират дар вилояти Суғд
