Бо фарорасии фасли баҳор шаҳрвандони мамлакат омодаи сафари корӣ ба минтақаҳои гуногуни кишвари Федератсияи Россия мебинанд. Хадамоти муҳоҷират ва сохторҳои он ҳар як шаҳрванди ҷумҳуриро, ки барои муҳоҷирати меҳнатӣ омодагӣ мебинад, огоҳ менамояд, ки пеш аз сафар ба ин кишвар ба сохторҳои Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон муроҷиат намоянд.

Чунин як вохӯрии судманд бо сокинони пойтахт дар назди собиқ бозори Султони Кабир баргузор гардид, ки кормандони масъули Раёсат оид ба тағйиру иловаҳо дар ққонунгузории Федератсияи Россия дар самти муҳоҷират ва дигар масъалаҳои мубрами рӯз ба ҳозирин маълумотҳо пешкаш намуда, барои омода намудани ҳуҷҷатҳои зарурӣ, аз ҷумла гирифтани патент, иҷозаи кор, қайди муваққатӣ, будубоши қонунӣ дар кишвари қабулкунанда маслиҳатҳои муфид доданд.

Инчунин, ба сокинон дар бораи ҷойҳои холии корӣ дар ҳудуди мамлакат маълумот дода, қайд карданд, ки айни замон дар корхонаҳои саноатии кишвар, аз ҷумла ширкатҳои сохтмонии НБО “Роғун” ҷойҳои холии корӣ зиёданд, шаҳрвандон метавонанд соҳиби ҷойи кор ва маоши хуб таъмин гарданд.

Ҳамзамон таъкид карда шуд, ки ҳангоми сафар ба кишвари кордиҳанда худро аз шахсони ношинос, пайвастан ба ҳизбу ҳаракатҳои террористӣ-экстремистӣ канора гиранд, расонидани кӯмакҳои моддию маънавӣ ба аҳли оила, падару модар, арҷ гузоштан ба суннатҳои миллию аҷдодӣ, эҳтиром ба рамзҳои давлатӣ, муҳаббат ва содиққмондан ба Ватани аҷдодӣ фаромӯш насозанд, дар сурати ба мушкилӣ дучор шудан ва ё ниёз доштан ба кумаки ҳуқуқӣ ба Намояндагии вазорат дар Федератсияи Россия оид ба муҳоҷират муроҷиат намоянд.

Раёсати Хадамоти муҳоҷират дар шаҳри Душанбе тасмим гирифтаанд, ки шумораи чунин вохуриҳои судмандро бо аҳолӣ ва фаъолони пойтахт дучанд намоянд.

Раёсати Хадамоти муҳоҷират дар шаҳри Душанбе