7 феврали соли ҷорӣ бо мақсади корҳои оммавӣ-фаҳмондадиҳӣ ва тарғиботию ташвиқотӣ бахши робита бо ҷомеа ва МД “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Душанбе пеш аз оғози дарси омӯзишии кореягӣ дар МД “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Бохтар, мудири бахши робита бо ҷомеа ба шаҳрвандон-муҳоҷирони меҳнатӣ оид ба ташкил ва омӯзишӣ дарси кореягӣ, ки зарурати донистани муҳтаво ва муқаррароти қонунгузории самти муҳоҷиратии кишварҳои қабулкунандаи қувваи корӣ барои муҳоҷирони меҳнатӣ ва аъзои оилаи онҳо муҳим мебошад, суханронӣ намуд.

Зимни вохӯрӣ мудири бахши робита бо ҷомеаи Хадамоти муҳоҷират дар бораи будубоши шаҳрвандони ҷумҳурӣ дар хориҷӣ кишвар ва шомил нашудани онҳо ба ҳизбу ҳаракатҳои ифротӣ ибрози ақида намуд.

Аз ҷумла, қайд кард, ки ҳангоми фаъолияти меҳнатӣ дар хориҷа ҳар як шаҳрванди ҷумҳурӣ пеш аз ҳама одоб, рафтор ва кирдори худро дар давлати қабулкунанда мутобиқ намуда, фаъолияти меҳнатии худро роҳандозӣ кунад.

Чунки, ҳангоми ворид шудан ба кишвари хориҷа ҳар яки моро водор месозад қонунгузории он давлатро ба пуррагӣ риоя намоем.

Ҳамзамон чанд сухан дар бораи шомил нашудани ҷавонон, аз ҷумла муҳоҷирони меҳнатӣ ба ҳизбу ҳаракатҳои террористӣ сухан гуфта иброз намуд, ки дар марҳилаи нави рушди ҷомеа яке аз масъалаҳои муҳими рӯз тақвият бахшидани ҳифзи Истиқлоли давлатӣ, пойдор нигоҳ доштани Ваҳдати миллӣ ва таъмини сулҳу субот дар кишвар аст.

Ин амалҳои созанда рисолати аввалиндараҷаи ҳар як сокини сарбаланду садоқатпешаи Тоҷикистони азиз мебошад.

Ҳамчун як хизматчии давлатӣ гуфтаниам, ки аз ҳадафҳои нопоки хоинони миллат огоҳ бошанд, ба иғвои онҳо фирефта нашаванд.

Илму дониши замонавиро аз худ намуда, баҳри пешрафти диёри азизамон саҳм гузоранд.
Маркази матуботи Хадамоти муҳоҷират