Бо ибтикори шуъбаи Хадамоти муҳоҷират дар шаҳри Исфара вохӯрии судманд бо иштироки бевоситаи муовини Раиси шаҳр Зиёваддинзода С., дар Ҷамоати деҳоти Навгилем деҳаи Шуртанг бо иштироки 80 нафар сокинон баҳри пешгирии шомилшавии ҷавонон ба ҳизбу ҳаракатҳои номатлуб, оид ба муҳтавои Паёми Сарвари давлат баҳри баланд бардоштани маърифати ҳуқуқии шаҳрвандон, пешгирии зӯроварӣ дар оила, ба касбомӯзӣ ва забономӯзӣ фаро гирифтани муҳоҷирони баргашта, пешгирӣ аз бемориҳои сироятӣ, мубориза бар зидди коррупсия, рафти иҷрои Қонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва “Дар бораи танзими анъана ва ҷашну маросим” доир намуд.
Инчунин, бобати масъалаҳои болозикр шуда, сардори шуъбаи Хадамоти муҳоҷират дар шаҳри Исфара Ахмедов М., оид ба вазъи муҳоҷирони меҳнатии шаҳри Исфара, ки дар Федератсияи Россия фаъолияти меҳнатӣ доранд суханронӣ намуд.
Дар охир ба суолҳои сершумори иштирокдорон посухҳои мушаххас дода шуд.
Раёсати Хадамоти муҳоҷират дар вилояти Суғд
