Бахши Хадамоти муҳоҷират дар ноҳияи Ашт якҷоя бо шуъбаи Агентии меҳнат ва шуғли аҳолии ноҳия корҳои иттилоотӣ-маърифатиро дар байни сокинони Ҷамоати деҳои Понғоз баргузор намуданд.
Дар чорабинии мазкур оид ба пешгирии шомилшавии ҷавонон ба ҳизбу ҳаракатҳои ифротӣ, пешгирии савдои одамон, омодагии пеш аз сафар, муҳоҷирати бехатар, инчунин пешгирии хуруфотпарастӣ, тарғиби либосҳои миллӣ суханронӣ намуданд.
Мудири бахши Хадамоти муҳоҷират дар ноҳияи Ашт Назарова С., вобаста ба масъалаҳои тарғибу ташвиқи сиёсати имрӯза, пешгирии ҳодисаҳои номатлуб байни занону ҷавонон, муҳоҷират, терроризм ва экстремизм, рафти амалишавии Қонунҳои Ҷумҳурии Тоҷикистон “Дар бораи муҳоҷират”, “Дар бораи танзими анъана ва ҷашну маросим дар Ҷумҳурии Тоҷикистон” ва “Дар бораи масъулияти падару модар дар таълиму тарбияи фарзанд” суҳбатҳои муфид намуд.
Ҳамзамон ба сокинони маҳаллаҳо барои муҳоҷирати бехатар якчанд дастуру супоришҳо, аз ҷумла барасмиятдарории хуҷҷатҳо ва тартиби будубош дар хориҷа дода шуд.
Дар баробари мубориза ва пешгирии шомилшавии ҷавонон ба ҳизбҳои экстремистию терористи ва муҳоҷирати бехатари шаҳрвандон ба давлатҳои хориҷа аз тарафи гуруҳи корӣ бо мақсади арҷгузорӣ ба анъанаҳои миллӣ, эҳсоси ватандӯстиву худшиносии миллӣ, инчунин баланд бардоштани ҳисси зебоипарастии занону духтарон ва тарғиби либосҳои миллӣ, дури аз фарҳанги бегона корҳои тарғиботи роҳандозӣ гардида ба ҳар як иштирокдорон варақаҳои иттилоотӣ – маърифатӣ тақсим карда шуд.
Бахши Хадамоти муҳоҷират дар ноҳияи Ашт
