Бахши Хадамоти муҳоҷират дар ноҳияи Файзобод дар ҳамбастагӣ бо Мақомоти иҷроияи ҳокимияти давлатии ноҳия оғоз аз санаи 15 январи соли равон дар Ҷамоатҳои шаҳраку деҳот бо сокинони ноҳия корҳои иттилоотӣ -маърифатӣ баргузор намуда истодаанд.
Зимни вохӯриву мулоқотҳо гурӯҳи кории Мақомоти иҷроияи ҳокимияти давлатӣ ва мақомоти ҳифзи ҳуқуқи ноҳия оид ба муҳтавои Паёми Асосгзори сулҳу Ваҳдати миллӣ – Пешвои миллат, Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, санаҳои 18 ва 19 январи соли 2024 дар Масҷиди ҷомеи ба номи Шамси Табрезӣ деҳаи Чилчашмаи Ҷамоати деҳоти Бӯстон ва дар толори хонаи фарҳангӣ Ҷамоати деҳоти Меҳробод бо сокинони деҳаҳои Нодирӣ, Хуросон, Сомониён, Шерамон, Устошамс, Себзор, Шифобахш ҷамъ 510 нафар суҳбату вохӯриҳо доир гардид.
Дар ҳайати гурӯҳи корӣ Худоёрзода Б. Т. роҳбари гурӯҳи корӣ дар ноҳия, Раиси ноҳияи Файзобод, прокурори ноҳия, сардорони шуъбаи Кумитаи давлатии амнияти миллӣ ва ШВКД – и ноҳия, раиси суд намояндагон аз Мақомоти иҷроияи ҳокимияти давлатии ноҳия, инчунин бахши Хадамоти муҳоҷират низ иштирок доштанд.
Баромадкунандагон оид ба муҳтавои Паёми Асосгзори сулҳу Ваҳдати миллӣ – Пешвои миллат, Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, ки санаи 28 декабри соли 2023 ироа гардида ва эълон гардидани соли 2024 соли маърифати ҳуқуқи дар самти тарбияи ватандӯстии ҷавонон, ҷалби онҳо ба даъвати баҳорӣ, пешгирии шомилшавии шаҳрвандон ба ҳизбу ҳаракатҳои террористию – экстремистӣ, муҳоҷирати меҳнатӣ ва бозгашт аз муҳоҷират, бахусус дар муҳоҷирати меҳнатӣ кору фаъолияти занону бонувони ноҳия аз зинаи таҳсил дур мондани духтарон, таъсисдодани ҷойҳои нави корӣ аз ҳисоби соҳибкорони ноҳия, бо шуғл фаро гирифтани сокинони ноҳия ва дигар масъалаҳои мубрами рӯз баррасӣ гардида, оиди сазовор таҷлил гирифтани Истиқлолияти давлатии Ҷумҳурии Тоҷикистон ва дастовардҳои беҳтарини соли сипари гардида ва натиҷаҳои рушди иҷтимоию иқтисодии ноҳия, сухан ронда шуд.
Тибқи нақша баргузории суҳбату вохӯриҳо дар Ҷамоатҳои шаҳраку деҳоти ноҳия мунтазам идома дорад.
Бахши Хадамоти муҳоҷират дар ноҳияи Файзобод
