Бахши Хадамоти муҳоҷират дар ноҳияи Кӯҳистони Мастчоҳ оид ба ташкили чорабиниҳои иттилоотӣ-маърифатӣ дар байни муҳоҷирони меҳнатӣ, дохилӣ ва ихтиёрӣ бо сокинони деҳаи Валиғонди Ҷамоати деҳоти Лангар чорабинии судманд баргузор намуд.
Зимни вохӯрӣ мутахассиси пешбари бахши Хадамоти муҳоҷират бо сокинони деҳаи Валиғонд вобаста ба иҷрои дастуру супоришҳои Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон, ки зимни ироаи Паёмашон ба Маҷлиси Олии кишвар ва санаи 9 марти соли 2024 маҷлис бо аҳли ҷомеаи кишвар пайваста дар байни аҳолӣ ва сокинон оид ба пешгирӣ ва гаравидани ҷавонон ба ҳар гуна ҳизбу ҳаракатҳои иртиҷоӣ, аз ҷумла терроризму экстремизм ва таълимоти ғайриқонунии динӣ суханронӣ намуд.
Аз ҷумла, қайд кард, ки дар чунин ҷомеаи пуртазод дар сурати доман паҳн кардани терроризму экстремизм, инчунин ҳизбу ҳаракатҳои ифротӣ моро зарур аст, ки баҳри ҳифз ва нигоҳ доштани истиқлоли давлатӣ, ваҳдату осудагии мамлакат аз ҳар як сокини кишвар масъулияти бештар тақозо менамояд.
Ҳамчунин бо сокинон ва хешовандони муҳоҷирони меҳнатӣ, аз ҷумла ҷавонони деҳаи Валиғонд таъкид бар он оварда шуд, ки мо ҷавононро зарур аст, ки дар ҷаҳони имрузаи пуртазод бояд зиракии сиёсӣ ва ҳушёриро аз даст надода, барои ҳифз ва нигоҳ доштани пояҳои давлатдориамон баҳри ҳимояи Ватани азизамон ҳамеша кӯшиш ба харҷ диҳем.
Ҳамзамон таъкид намуд, ки маҳз аз паст будани шуӯри ҳуқуқӣ ва ноогоҳию камсаводии ҷавонон ва муҳоҷирони меҳнатӣ истифода бурда, шаҳрвандони кишварҳои мусалмониро ба вартаи пуртаҳлука равона месозанд.
Аз ин рӯ, аз сокинон даъват ба амал оварда шуд, ки бояд эҳтиёткор бошем ва ба қадри сулҳу оромӣ ва тинҷию осудагии кишвари хеш бирасем.
Бахши Хадамоти муҳоҷират дар ноҳияи Кӯҳистони Мастчоҳ минбаъд баҳри дар амал татбиқ намудани даструру супоришҳои Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон дар самти пешгирӣ намудани террорризму экстремиз ва дигар ҳизбу ҳаракатҳои ифротӣ пайваста дар байни аҳолӣ ва муҳоҷирони меҳнатӣ вохӯриҳо гузаронида, корро дар ин самт боз ҳам ҷоннок менамояд.
Бахши Хадамоти муҳоҷират дар ноҳияи Кӯҳистони Мастчоҳ
