Тибқи накша чорабиниҳои тасдиқгардида аз ҳисоби кормандони масъули Раёсати Хадамоти муҳоҷират дар вилояти Суғд вобаста ба вазъи омаду рафти муҳоҷирони меҳнатӣ ба Федератсияи Россия дар “Фурудгоҳи байналмилалии Хуҷанд” бо 110 нафар муҳоҷирони меҳнатие, ки ба самти Новосибирски Федератсияи Россия сафар менамуданд, корҳои иттилоотӣ-маърифатӣ баргузор намуданд.
Дар суҳбат бо шаҳрвандон – муҳоҷирони меҳнатӣ, доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, гирифтани патент, тартиб додани шартномаи меҳнатӣ, танҳо бо шиносномаи хориҷӣ ворид шудан, шомил нашудан ба ҳизбу ҳаракатҳои ифротгароӣ, экстремизм ва терроризм, муқовимат ба савдои одамон, расонидани кумак ба қурбониёни савдои одамон суханронӣ намуда ба ҳар яки онҳо дастурамали мухтасар оиди муҳоҷирати меҳнатӣ брошюраҳо, варақаҳои иттилоотӣ-маърифатӣ тақсим карда шуданд.
Инчунин, ба шаҳрвандоне, ки аз Федератсияи Россия ба ватан бозгаштаанд барои ишғоли ҷойҳои кории холӣ дар ширкатҳои ватанӣ тавсияҳои муфид доданд.
