Бахши Хадамоти муҳоҷират дар ноҳияи Рӯдакӣ корҳои иттилоотӣ-маърифатиро бо мақсади ҷалби шаҳрвандони ноҳия, бахусус муҳоҷирони меҳнатие, ки аз сафар ба Ватан баргаштанд барои кор дар НБО-Роғун баргузор намуданд.
Тавре аз бахши Хадамоти муҳоҷират дар ноҳия хабар доданд, ин ташаббус якҷоя бо волонтёрони Бахши кор бо ҷавонон ва варзишӣ ноҳия дар марказӣ шаҳраки Сомониён бо тақсим намудани маводҳои иттилоотӣ зери шиори «Ҳама бо ҳам ватанро обод мегардонем» ва «Биёед, кӯшишҳои худро якҷо намуда, дар ҳамбастагӣ ба Коррупсия муқовимат намоем» дар кӯчаву хиёбонҳо, марказҳои савдо, бозорҳо, марказҳои саломатӣ бо шумораи зиёда аз 80 буклетҳо байни аҳолӣ тақсим карда шуд.
Илова бар ин, кормандони Бахш якҷоя бо Шуъбаи кор бо занон ва оила, бахши кор бо ҷавонон ва варзиш, намояндаи Ҷамоати шаҳраки Сомониён дар толори қасри Фарҳангӣ ноҳия вохӯрии ҷолиб бо сокинон ва толибилмон ҷиҳати пешгирии шомилшавии ҷавонон аз ҳизбу ҳаракатҳои ифротӣ баргузор намуданд.
Дар чорабинӣ баромадкунандагон ҷиҳати пешгирии падидаҳои номатлуб, терроризму экстремизм ва ҷинояткорӣ байни ноболиғону ҷавонон, инчунин муҳоҷирони меҳнатӣ ва аъзои оилаи онҳо ибрози ақида намуданд.
Дар баромади худ намояндаи бахши кор бо ҷавонон ва варзиш дар бораи тарбияи насли наврас, доир ба хатарҳои шомил шудан ба ҳар гуна ҳизбу ҳаракатҳо, пешгирии шомилшавии занону духтарон ба ҳизбу ҳаракатҳои ифротгаро, аз байн бурдани либоси ба фарҳангӣ миллии мо бегона ва ташвиқу – тарғиби тарзи ҳаёти солим дар байни аҳли ҷомеа сухан гуфт.
Ҳамзамон, дар баромади худ мудири бахши Хадамоти муҳоҷират дар ноҳия Идиев Азизулло дар бораи тағйиру иловаҳо дар қонунгузории Федератсияи Россия дар самти муҳоҷират, будубоши шаҳрвандон дар ин кишвар, гирифтани Патент, иҷозаи кор, қайди муваққатӣ ва дигар ҳуҷҷатҳои лозима барои фаъолияти меҳнатӣ, инчунин ба он нафароне, ки воридшавиашон ба қаламрави ФР манъ аст, ба курсҳои кутоҳмуддати МД “Маркази таълими калонсолон”- и ноҳия тавсияҳо дод.
Дар хатми ҷамъомад аз шаҳрвандон хоҳиш ба амал оварда шуд, ки баҳри истиқболи сазовори 35-умин солгарди Ҷашни Истиқлоли давлатии Ҷумҳурии Тоҷикистон бетараф набошанд. Биёед дар партави Паёми Президенти кишвар ин иди ҷумҳуриявиро бо дастовардҳои арзанда пешвоз гирем ва ватандӯсти ҳақиқӣ буданамонро дар амал нишон диҳем!
Бахши Хадамоти муҳоҷират дар ноҳияи Рӯдакӣ
