Бахши Хадамоти муҳоҷират дар ноҳияи Спитамен вобаста ба пешгирӣ ва шомилшавии шаҳрвандон ба ҳизбу ҳаракатҳои ифротӣ, экстремистию террористӣ, одамрабоӣ, муборизаи дастаҷамъона бо коррупсия, баланд бардоштани маърифати зиддикоррупсионии аҳолӣ, пешгирии муҳоҷирати ғайрирасмӣ дар байни аҳолӣ таҳия шудааст, дар ин бора мунтазаам корбариро ба роҳ мемонад.
Чунин, як вохӯрии судманд дар Ҷамоати деҳоти Истиқлол, вобаста ба масъалаҳои боло қайдгардида, корҳои иттилоотӣ – маърифатӣ бо фаъолон, сокинон, муҳоҷирони меҳнатии ба ватан бозгашта ва аъзои оилаи онҳо баргузор гардид.
Дар рафти чорабинӣ корманди бахши Хадамоти муҳоҷират Уринбоев Б., шаҳрвандонро оид ба муҳтавои Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Ҷаноби олӣ, муҳтарам Эмомалӣ Раҳмон, ки санаи 28 декабри соли 2024 ба Маҷлиси олии Ҷумҳурии Тоҷикистон ва мардуми Ҷумҳурии Тоҷикистон ироа гардида буд, суханронӣ намуда, таъкид намуд, ки ҷомеаи кишвар бо роҳнамоиҳову ҳидоятҳои Пешвои худ дар расидан ба рушди ҳадафҳои давлату миллат комёб шуда истодааст.
Ҳамзамон, доир ба масъалаҳои доғи рӯз, мубориза бар зидди коррупсия, муқовимат ба савдои одамон ва ба масъалаҳои муҳоҷирати бехатар, ҷиҳати пешгирӣ ва шомилшавии ҷавонон ба ҳизбу ҳаракатҳои номатлуб ва мубориза алайҳи терроризм ва экстремизм, бемориҳои сироятӣ, андешаронӣ намуд.
Инчунин, ба саҳми иштирокдорон расонида шуд, ки Фармони Президенти Федератсияи Россия аз 30 декабри соли 2024, №1126 ба тасвиб расидааст, ки шаҳрвандони хориҷие, ки дар кишвари иқомат бе ҳуҷҷати расмӣ фаъолият доранд, метавонанд дар асоси он то 30 апрели соли 2025 фаъолият ва ҳуҷҷатҳои будубошашонро тартиб дода, дар кишвари иқомат расман кору фаъолият намоянд.
Раёсати Хадамоти муҳоҷират дар вилояти Суғд
