Бо ибтикори Мақомоти иҷроияи ҳокимияти давлатии шаҳри Исфара дар ҷамоати деҳоти Навгилем бо иштироки сардори шуъбаи Вазорати корҳои дохилии 1-и шаҳри Исфара Исозода Н., мутахассиси пешбари шуъбаи Хадамоти муҳоҷират Самоева Н., муовини сардори Раёсати маорифи шаҳр Тоҷибоева Ф., инчунин фаъолону сокинони ҷамоат, раисони маҳаллаҳо, имомхатибон ва аъзои оилаҳои муҳоҷирони меҳнатӣ бо иштироки зиёда аз 140 нафар шаҳрвандон, доир гашт.

Мулоқот таҳти роҳбарии муовини раиси шаҳри Исфара – Бобоиён М., доир гашт.

Дар рафти он аъзоёни гурӯҳи оид ба мӯҳтавои Паёми Сарвари давлат, пешгирии шомилшавии гурӯҳҳои ифротгаро ва таълимоти ғайрирасмии динӣ, ҷалби ҷавонписарон ба сафи Қувваҳои Мусаллаҳи Ҷумҳурии Тоҷикистон, баланд бардоштани маърифати ҳуқуқии шаҳрвандон, пешгирии зӯроварӣ дар оила, ба касбомӯзӣ ва забономӯзӣ фаро гирифтани муҳоҷирони баргашта, пешгирӣ аз бемориҳои сироятӣ, мубориза бар зидди коррупсия, мубориза алайҳи терроризм ва экстремизм, рафти иҷрои Қонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва “Дар бораи танзими анъана ва ҷашну маросим дар Ҷумҳурии Тоҷикистон” сухан карданд.

Аз тарафи намояндаи шуъбаи Хадамоти муҳоҷират вобаста ба масъалаҳои бо ҷойи кор таъмин намудани муҳоҷирони манъгашта дар ширкатҳои сохтмонии ҶСК “НБО Роғун”, муҳоҷирати беҳатар ва муқовимат ба савдои одамон оид ба вазъи муҳоҷирони шаҳри Исфара, ки дар Федератсияи Россия фаъолияти меҳнатӣ доранд, инчунин, дар бораи пешгирии шомилшавии ҷавонон ба ҳизбу ҳаракатҳои номатлуб, ҳамзамон, оид ба иҷрои Фармони Президенти Ҷумҳурии Тоҷикистон аз 1 июни соли 2021, № 187 “Дар бораи Стратегияи муқовимат ба экстремизм ва терроризм дар Ҷумҳуриии Тоҷикистон барои солҳои 2021-2025”ва дигар масъалаҳои мубрами рӯз суханронӣ намуд.

Дар охир ба суолҳои сершумори иштирокдорон посухҳои мушаххас дода шуд.

Раёсати Хадамоти муҳоҷират дар вилояти Суғд