Ҳамарӯза ба Шуъбаи баҳисобгирӣ ва хизматрасонӣ ба муҳоҷирон дар ҶСК «Фурудгоҳи байналмилалии шаҳри Душанбе»-и Раёсати Хадамоти муҳоҷират дар шаҳри Душанбе даҳо нафар шаҳрвандони ҷумҳурӣ, ки тавассути парвоз барои кор ба Федератсияи Россия равонаанд, муроҷиат менамоянд.
Зимни мулоқот бо шаҳрвандони ҷумҳурӣ, ки барои санҷиши маҷбуран берункардан (депортация), иҷозаи кор, Патент ва қайди муваққатӣ дар Россия, инчунин оид ба навоварӣ дар қонунгузории муҳоҷирати Федератсияи Россия омадаанд, маслиҳатҳои муфид медиҳанд.
Тавре аз Шуъбаи баҳисобгирӣ ва хизматрасонӣ ба муҳоҷирон дар ҶСК «Фурудгоҳи байналмилалии шаҳри Душанбе» иттилоъ доданд, зиёда аз 100 нафар шаҳрвандон аз гӯшаю канори мамлакат муроҷиат намуда, ному насаби худро дар руйхати беруншудагони шаҳрвандони кишварамон, ки дар маҳзанаи иттилоотии Сарраёсати ВКД оид ба масъалаҳои муҳоҷирати Россия ворид мешаванд, мавҷуд мебошад, бо тариқи шабакаи интернет-онлайн ба роҳ монда шудааст, пурсон мешаванд.
Айни замон кормандони Шуъба корҳои иттилоотӣ-маърифатиро дар танзими муҳоҷирати меҳнатӣ дар байни шаҳрвандони ҷумҳурӣ пурзур намуда, бо ҳар яки аз онҳо дар алоҳидагӣ сӯҳбатҳо гузаронида, маслиҳатҳои ҳуқуқӣ медиҳанд. Ҳамзамон ба онҳо маводҳои иттилоотӣ оид ба қонунгузории нави Федератсияи Россия тақдим карда мешавад.
Мутаассифона, имрӯзҳо бархе аз шаҳрвандони ҷумҳурӣ бе ягон омодагӣ ба кишвари Россия равона мегарданд, дар натиҷа ба ҳолатҳои ҳуқуқвайронкунӣ роҳ медиҳанд ва ҳамзамон дар маҳзани маълумоти муваққтан манъшудагон дарҷ мегарданд. Баъд аз бозгашт, онҳо ҳуқуқи ба ин кишвар дубора ворид шуданро надоранд, боиси нигаронист.
Аз ин лиҳоз, Шуъбаи баҳисобгирӣ ва хизматрасонӣ ба муҳоҷирон дар ҶСК «Фурудгоҳи байналмилалии шаҳри Душанбе»-и Раёсати Хадамоти муҳоҷират дар шаҳри Душанбе аз тамоми шаҳрвандони ҷумҳурӣ, ки тавассути парвоз азми сафари Россия доранд, хоҳиш карда мешавад, ки аз тағйиру иловаҳо дар қонунгузории муҳоҷиратии ин кишвар огоҳ бошанду, онро ба пуррагӣ риоя намоянд.
Шуъбаи баҳисобгирӣ ва хизматрасонӣ ба муҳоҷирон дар ҶСК «Фурудгоҳи байналмилалии шаҳри Душанбе»-и Раёсати Хадамоти муҳоҷират дар шаҳри Душанбе
