Рӯзи 18 декабр дар Хадамоти муҳоҷират маросими супурдани ҷоизаҳои «Муҳоҷират ва ВАО 2024» баргузор гардид, ки ба муносибати Рӯзи байналмилалии муҳоҷирон бахшида шудааст.
Дар маросим муовини вазири меҳнат, муҳоҷират ва шуғли аҳолии Ҷумҳурии Тоҷикистон Шаҳноза Нодирӣ, Намояндаи Иттиҳоди Аврупо дар Тоҷикистон Худоназар Оҷимадов, Роҳбари Минтақа, Аврупои Шарқӣ ва Осиёи Марказӣ, ICMPD Радим Жак, муовини якуми Сардори Хадамоти муҳоҷират Шарфизода Маҳмадсалим Пир, инчунин кормандони Хадамоти муҳоҷират ва шахсони пешбаришуда.
Муовини вазири меҳнат, муҳоҷират ва шуғли аҳолии Ҷумҳурии Тоҷикистон Шаҳноза Нодирӣ бо сухани ифтитоҳӣ баромад намуда, нақши муҳими ВАО дар инъикоси мушкилот ва фаъолияти муҳоҷирати меҳнатии шаҳрвандони кишварро қайд намуда, ба ҳозирин дар бораи вазъи кунунии муҳоҷирати меҳнатӣ, бахусус дар Федератсияи Россия мухтасар маълумот дод. Вай таъкид кард, ки аз соли нав қонунҳои нав дар бахши муҳоҷирати меҳнатӣ ҷорӣ карда мешавад. Вай махсусан қайд кард, ки ҳар як шаҳрванди ҷумҳурӣ бояд бе чунучаро қонуну қоидаҳои будубоши кишвари қабулкунандаро ба пуррагӣ риоя намуда, забон таърих ва қонунҳои амалкунандаи ин кишварро ба хуби донад.
Илова бар ин, вай дар бораи диверсификатсия дар соҳаи муҳоҷират чанд сухан гуфта иброз намуд, ки дар оянда мо шаҳрвандони худро бо роҳҳои гуногун барои муҳоҷирати меҳнатӣ ба дигар кишварҳои хориҷӣ фиристем. Вай инчунин, дар бораи Созишномаҳои нави Вазорати меҳнат, муҳоҷират ва шуғли аҳолии Ҷумҳурии Тоҷикистон бо Ҷумҳурии Корея, Қатар, Ҷопон, Кувайт ва ғайра оид ба фаъолияти меҳнатӣ ба имзо расонидааст.
Аз ҷумла, ӯ қайд кард, ки аз ҷониби Корея дар шаҳри Душанбе Марказ барои гирифтани имтиҳон аз забони кореягӣ боз карда мешавад. Алакай, беш аз 400 нафар шаҳрвандони мамлакат курсҳои забони кореягиро ройгон омӯхтанд.
Шаҳноза Нодирӣ дар фарҷоми суханронии худ ба рӯзноманигорони пешбаришуда барои фаъолияташон дар инъикоси мавзӯи муҳоҷирати меҳнатӣ изҳори сипос намуд.
Сипас, дар назди иштирокчиён Намояндаи Иттиҳоди Аврупо дар Тоҷикистон Худоназар Оҷимадов ва Роҳбари Минтақа, Аврупои Шарқӣ ва Осиёи Марказӣ, ICMPD Радим Жак бо сухани табрикоти баромад намуданд.
Дар фарҷоми чорабинӣ маросими ҷоизасупорӣ ба ғолибони озмуни «Муҳоҷират ва ВАО 2024» бахшида ба Рӯзи байналмилалии муҳоҷирон баргузор гардид.
Маркази матбуоти Хадамоти муҳоҷират
