Дар толори театри мусиқӣ драмавии ба номи Маҳмудҷон Воҳидов – и ноҳияи Ашт бо иштироки намояндагони Хадамоти муҳоҷират, Агентии меҳнат ва шуғли аҳолӣ, Муассисаи давлатии “Марказҳои машваратӣ ва омодагӣ пеш аз сафари муҳоҷирони меҳнатӣ” дар шаҳри Душанбе, кормандони Созмони байналмилалии муҳоҷират (СБМ) ва мутахассисони соҳаи муҳоҷират машварати иттилоотӣ баргузор гардид.

Дар чорабинӣ Қудратов Ҳикматулло — роҳбари лоиҳаи “Муҳоҷирати бехатари  коргарони мавсимӣ аз Осиёи Марказӣ ба Британияи Кабир” дар Точикистон, Фараҳноз Ҷалилова — мушовири Барнома ва Фируз Муродов — ҳамоҳангсози Муассисаи давлатии “Марказҳои машваратӣ ва омодагӣ пеш аз сафари муҳоҷирони меҳнатӣ” дар шаҳри Душанбе, суханронӣ карданд.

Дар вохӯрӣ оид ба муҳоҷирати бехатар, барномаи коргарони мавсимӣ ба Британияи Кабир ва пешгирӣ аз қаллобони интернетӣ суханронӣ гардид.

Ҳадафи асосии машварат таъмини амнияти шаҳрвандон дар раванди муҳоҷирати меҳнатӣ, пешгирии  онҳо аз  қаллобони онлайнӣ ва таъмин намудан бо  иттилооти дақиқ дар бораи муҳоҷират, инчунин дар вохурӣ атрофи маркази машваратӣ ва раванди омодасозии маркази машваратӣ, ки дар назди Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон фаъолият менамояд, дар ҳамкорӣ бо СБМ ва дигар шарикон, курсҳои омӯзишӣ ва машваратҳои ҳуқуқӣ пеш аз сафари муҳоҷирон ба роҳ мондааст гуфта шуд.

Бояд қайд кард, ки чунин вохурӣ дар маҷлисгоҳи Мақомоти иҷроияи ҳокимияти давлатии шаҳри Панҷакент баргузор карда шуд.

Раёсати Хадамоти муҳоҷират дар вилояти Суғд