Яке аз масъалаҳое, ки имрӯз ҷомеаи ҷаҳониро ба ташвиш овардааст, терроризм ва ифротгароӣ мебошад. Дар марҳалаи ҳозира яке аз ҳадафҳои асосии ифротиён барангехтани тафриқаандозӣ миёни афроди ҷомеа мебошад. Террористон ҳаргиз меҳнат намекунанд, балки дар паноҳи хоҷагони тамаъҷӯяшон ҷой гирифта, айбҷӯи месозанд.

Ба қадри истиқлол расидан, арзишҳои муқаддаси пос доштан қарз, масъулият, шарафу номуси ватандорӣ, ифтихор аз давлату миллати хеш ва ҳам талошу заҳмати ҳар фарди бедордили ҷомеа аст. Ба пайдоиш ва паҳн гардидани падидаҳои номатлуб сатҳи пасти зиндагӣ, бехабар будан аз маърифати ҳуқуқӣ таълиму тарбияи нокифояи насли наврас боис мегардад. Дар рӯҳияи худшиносӣ ва ватандӯстӣ тарбия кардани насли наврасу ҷавон вазифаи аввалиндараҷаи волидайн, мактаб ва аҳли ҷомеа маҳсуб меёбад.

Ҳамаи имкониятҳо барои рушд ва пешрафти насли наврасу ҷавон муҳайёст. Танҳо моро мебояд, ки муҳаббати толибилмонро ба Ватан ва хештандорӣ афзуда, онҳро чун ворисони бо нангу ор тарбия намоем.

Мо зиёиён ва ҳар фарди ҷомеа вазифадорем садди роҳи шомилшавии чавонону наврасон ба ҳизбу ҳаракатҳои иртиҷоӣ гардем, зеро мубориза алайҳи терроризм амали дастаҷамъона аст.

Борониева Сакина,

Мутахассиси пешбари шуъбаи қабул ва маслиҳатдиҳӣ Раёсати Хадамоти муҳоҷират дар шаҳри Душанбе