Тибқи нақша ҳайати гурӯҳи кории Мақомоти иҷроияи ҳокимияти давлатии ноҳияи Ашт дар қисми ҳарбии Қушунҳои сарҳадии КДАМ Ҷумҳурии Тоҷикистон дар ноҳия, байни сарбозону афсарон вохӯриву мулоқотҳо оид ба таҷлили «30-солагии қабули Конститутсияи Ҷумҳурии Тоҷикистон» ва таҳкими Истиқлоли давлатии Ҷумҳурии Тоҷикистон доир карда шуд.

Дар вохӯрӣ мудири шуъбаи рушди иҷтимоӣ робита бо ҷомеаи дастгоҳи Раиси ноҳия, Нақибҷонов Ҳаётҷон, мудири бахши кор бо занон ва оила, Зиёбиддинова Дилбар, сармуттахасиси бахши кор бо ҷавонон ва варзиш, Воҳидова Рухшона, мудири бахши Хадамоти муҳоҷират, Назарова Сулҳия, роҳбари Анҷумани пайванд, Маликзода Гулбаҳор ва муовини сархатиби ноҳия, Мадолимов Қурбоналӣ, иштирок ва суханронӣ намуданд.

Ҳозирин маърузаи худро доир ба мавзӯи «Конститутсия – бахтномаи миллат» ва «Таҳкими Истиқлоли давлатии Ҷумҳурии Тоҷикистон» иброз намуда, ҷиҳати бедор намудани ҳисси ватандӯстиву хештаншиносии ҷавонон, ҳимояи ҳифзи муқаддасоти миллӣ, ҳифзи Ватан, дастовардҳои Истиқлолият ва сулҳу осоиш, шукргузорӣ аз соҳибватан будан ва сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомали Раҳмонро ҷонибдори намуда, дастуру ҳидоятҳои падаронаашонро дар амри ҳифзи дастовардҳои даврони соҳибистиқлолии кишвар ва мустаҳкамии сулҳу ваҳдати миллӣ сармашқи доимии кори худ қарор додан, маслиҳату тавсияҳои муфид доданд.

Раёсати Хадамоти муҳоҷират дар вилояти Суғд