Санаи 14 январи соли равон бо мақсади иҷрои муқарраротҳои Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 оид ба татбиқи чорабиниҳои зиддикоррупсионӣ ва пешгирии амалҳои номатлуби коррупсионӣ дар Хадамоти муҳоҷират мулоқот бо субъектҳои хоҷагидори интиқоли қувваи корӣ ба хориҷи кишвар баругзор гардид.
Дар мулоқот муовини якуми Сардори Хадамоти муҳоҷират Шарифзода Маҳмадсалим Пир, роҳбарони субъектҳои хоҷагидори интиқоли қувваи корӣ ба хориҷи кишвар ва кормандони Раёсати муҳоҷирати меҳнатӣ дастгоҳи марказии Хадамот иштирок намуданд.
Дар рафти мулоқот ҷиҳати дар амал татбиқ намудани иҷрои муқарраротҳои Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 оид ба татбиқи чорабиниҳои зиддикоррупсионӣ ва пешгирии амалҳои номатлуби коррупсионӣ суханронӣ карда шуд. Аз ҷумла, ба иштирокдорон роҳбарони субъектҳои хоҷагидори интиқоли қувваи корӣ ба хориҷи кишвар гуфта шуд, ки ҳангоми омода намудани ҳуҷҷатҳои шаҳрвандон барои фаъолияти меҳнатӣ дар давлатҳои хориҷа ба амалиётҳои коррупсионӣ роҳ надиҳанд.
Инчунин дар фарҷом мубодилаи афкор ва суолу ҷавобҳо сурат гирифт.
Маркази матбуоти Хадамоти муҳоҷират
