Ҳайати гурӯҳи кории Мақомоти иҷроияи ҳокимияти давлатии ноҳияи Файзобод, бо роҳбарии раиси ноҳия Каримзода Мансур Тағой, оид ба иҷрои вазифаҳое, ки дар Паёми Президенти Ҷумҳурии Тоҷикистон аз 28 декабри соли 2024 “Дар бораи самтҳои асосии сиёсати дохилию хориҷии Ҷумҳурии Тоҷикистон” зикр гардида буданд, дар Ҷамоатҳои деҳоти Бӯстон, Баҳор, ба номи Дустмурод Алиев, Ҷавонон, Қалъаи дашт бо сокинони ҷамоатҳо мулоқоти мақсаднок баргузор намуд. Дар ҳайати гурӯҳи корӣ муовинони раиси ноҳия, мақомоти ҳифзи ҳуқуқ, мудирони бахшу шуъбаҳои мақомоти иҷроияи ҳокимияти давлатӣ иштирок ва баромад намуданд.
Дар вохӯриҳо оид ба муҳтавои Паёми Асосгзори сулҳу Ваҳдати миллӣ – Пешвои миллат, Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, ки санаи 28 декабри соли 2024 ироа гардида ва эълон гардидани солҳои 2025-2030 “Солҳои рушдии иқтисоди рақамӣ ва инноватсия” дар самти кишоварзӣ, тарбияи ватандӯстии ҷавонон, ҷалби онҳо ба хизмат дар сафи Қувваҳои Мусалаҳи Ҷумҳурии Тоҷикистон, ташкили майдончаҳои варзишӣ дар ҳудуди ҷамоатҳо, иштироки хонандагон дар озмунҳои ҷумҳуриявӣ, дар масъалаи таълиму тарбияи фарзандон, таъмири муассисаҳои таълимӣ, ташкили марказҳои инкишофи барвақтии кӯдак, шомил нагардидани шаҳрвандон ба ҳизбу ҳаракатҳои террористию – экстремистӣ, муҳоҷирати меҳнатӣ ва бозгашт аз муҳоҷират, гуногунсамтии муҳоҷират, таъсисдодани ҷойҳои нави корӣ аз ҳисоби соҳибкорони ноҳия, бо шуғл фаро гирифтани сокинон ва ташкили курсҳои забономӯзӣ дар ноҳия, мумфарш намудани роҳҳои маҳаллӣ, корҳои ободонию созандагӣ бунёдкорӣ, дар масъалаи сохтмони муассисаҳои таълимӣ аз ҳисоби Барномаҳои пешниҳод гардида дар ҷамоатҳои шаҳраку деҳот ба нақшагирифташуда ва дигар масъалаҳои мубрами рӯз, суханронӣ карда шуд.
Бахши Хадамоти муҳоҷират дар ноҳияи Файзобод
