Чӣ тавре ки ба ҳамагон маълум аст, санаи 9-уми март дар Кохи Ваҳдат мулоқоти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо фаъолону намояндагони ҷомеа ва ходимони дин баргузор гардид.

Вобаста ба ин, бегоҳии санаи 14-уми марти соли равон дар толори Мақомоти иҷроияи ҳокимияти давлатии ноҳияи Варзоб бо иштироки раиси ноҳия Дамонзода Хусрав Назаралӣ, муовини якум ва муовинони раиси ноҳия, роҳбари Дастгоҳи раиси ноҳия, сардорону кормандони раёсат, шуъба ва бахшҳои мақомоти иҷроия ва воҳидҳои сохтории он, аъзо ва кормандони Кумитаи иҷроияи Ҳизби Халқии Демократии Тоҷикистон, роҳбарони ташкилоту муассисаҳои ҳудуди ноҳия, вакилони ноҳиявию ҷамоатӣ, роҳбари намояндагии Ташкилоти ҷамъиятии ҷавонон «Созандагони Ватан», соҳаҳои маориф, тандурустӣ, фарҳанг ва дин бо як самимияти хоса тариқи шабакаи телевизионӣ дастаҷамъона мулоқоти такрории мазкурро тамошо карда истодаанд.

Зеро ин мулоқот роҳнамо барои зиндагии шоистаи мардум аст.

Қобили зикр аст, ки мулоқоти Президенти мамлакат бо фаъолону намояндагони ҷомеа ва ходимони дин дар соли барои мардуми шарифи Тоҷикистон воқеан таърихӣ пешниҳод гардид.

Ёдовар мешавем, ки Президенти мамлакат муҳтарам Эмомалӣ Раҳмон дар мулоқоти худ бо фаъолону намояндагони ҷомеа ва ходимони дин дар тамоми самтҳо суханронӣ намуда, дар назди масъулин вазифаҳои мушаххас гузоштанд.

Дар ин раванд, Мақомоти иҷроияи ҳокимияти давлатии ноҳияи Варзоб пайгирона аз сиёсати Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон фаъолияти хешро ба роҳ монда, дар ҳифзи озодиву Истиқлолияти кишвари азизамон ва манфиатҳои милливу давлатӣ нерӯи созандаи худро баҳри ободиву тараққиёти Тоҷикистони азизамон равона месозад.

Ҳамзамон ёдрас менамоем, ки чунин тамошои дастаҷамъона дар ҷамоатҳои шаҳрак ва деҳоти ноҳия, ташкилоту муассисаҳо, масҷидҳои ҷомеъ ва панҷвақтаи ҳудуди ноҳияи Варзоб ба роҳ монда шудааст.

Орифҷон Олимзода,
сардори бахши Хадамоти муҳоҷират дар ноҳияи Варзоб