Дар Литсеи №2 ҷамоати деҳоти Ватан мулоқоти саривақтӣ гурӯҳи кории Мақомоти иҷроияи ҳокимияти давлатии ноҳияи Фархор бо волидайн, омӯзгорон ва хонандагони литсей баргузор гардид.

Вохӯрӣ дар доираи татбиқи ташаббусҳои Ҳукумати Ҷумҳурии Тоҷикистон доир гардида, ҳадафи асосии он таҳкими ҳамкории мақомоти давлатӣ бо ҷомеа ва баланд бардоштани сатҳи огоҳии шаҳрвандон аз масъалаҳои муҳими иҷтимоӣ, ҳуқуқӣ ва маърифатӣ буд.

Масъулин оид ба мавзӯъҳои муҳими рӯзмарра суханронӣ намуда, хонандагони литсейро бо муқаррароти қонунгузории амалкунандаи кишвар, аз ҷумла қонунҳои Ҷумҳурии Тоҷикистон “Дар бораи ҷашну маросим дар Ҷумҳурии Тоҷикистон”, “Дар бораи масъулият барои таълиму тарбияи кӯдак” ва “Дар бораи тарбияи ватандӯстии шаҳрвандон” шинос намуданд.

Ҳамзамон, оид ба масъалаҳои мубрами ҷомеа, аз ҷумла ҷалби ҷавонони бекор ва занони хонашин ба омӯзиши касбу ҳунар ва шуғли мустақил, муҳоҷирати бехатар, пешгирии шомилшавии шаҳрвандон, бахусус ҷавонон, ба гурӯҳҳои ифротгаро, мубориза бо хурофот, таассуб, бегонапарастӣ ва тарғиби тарзи ҳаёти солим, ҳифзи арзишҳои миллӣ ва оилавӣ ва пешгирии пошхӯрии оилаҳои ҷавон таваҷҷуҳи хос зоҳир намуданд.

Инчунин, дар бораи нақши волидайн дар таълиму тарбияи фарзанд, ташаккули ҳисси ватандӯстӣ, худшиносии миллӣ, шукргузорӣ аз сулҳу суботи кишвар, истифодаи сарфакоронаи нерӯи барқ ва эҳтиром ба арзишҳои ахлоқиву фарҳангӣ сухан рафт.

Мақоми зан дар ҷомеа ҳамчун омили муҳим дар рушди устувори кишвар таъкид гардида, бар зарурати баланд бардоштани маърифати ҳуқуқӣ ва иҷтимоии аҳолӣ, хусусан ҷавонон ва занон, таъкид карда шуданд.

Дар фарҷоми вохӯрӣ омӯзгорону хонандагон саволҳои хешро матраҳ намуданд ва намояндагони гурӯҳи корӣ ба онҳо посухҳои муфассал доданд.

Маркази матуботи Хадамоти муҳоҷират