Бо ибтикори бахши Хадамоти муҳоҷират дар шаҳри Конибодом вохӯрии судманд бо фаъолон ва сокинони Ҷамоати деҳоти Фирӯзоба, деҳаи Фирӯзоба – 2, ки қисми онҳоро муҳоҷирони ба ватан бозгашта ташкил медиҳад, баргузор гардид.
Дар чорабинӣ мудири бахши Хадамоти муҳоҷират – Фарзона Толибова ва намояндагони шуъбаи рушди иҷтимоӣ ва робита бо ҷомеаи мақомоти иҷроияи ҳокимияти давлатии шаҳр – Баҳодур Маҳмудов ва Искандар Толибов иштирок ва суханронӣ намуданд.
Мудири бахши Хадамоти муҳоҷират Фарзона Толибова ба таваҷҷуҳи сокинон расонид, ки тибқи Фармони Президенти Федератсияи Россия аз 28 апрели соли 2025, таҳти №272 вобаста ба ворид намудани тағйироту илова ба Фармони Президенти Федератсияи Россия аз 30 декабри соли 2024, № 1126, муҳлати қонунигардонӣ дар Федератсияи Россия то 10 сентябри соли 2025 тамдид карда шуда, барои шаҳрвандони хориҷӣ, ки мушкилот дар самти таҳияи ҳуҷҷатҳои будубош доранд идома дорад.
Фармони мазкур имконият медиҳад, ки то 10 сентябри соли 2025 ҷиҳати ба расмиятдарории фаъолияти меҳнатӣ ба мақомотҳои салоҳиятдор муроҷиат намуда, талаботҳои қонунгузории кишвари иқоматро риоя намоянд.
Инчунин иттилоъ дода шуд, ки шаҳрвандон вобаста ба расмиятдарории ҳуҷҷатҳои будубош ва қонунигардонӣ дар ин давра ба шӯъбаҳои муҳоҷирати мақомоти ҳудудии Вазорати корҳои дохилии Федератсияи Россия, шуъбаҳои Корхонаи воҳиди федералии давлатии «ХШР»-и Вазорати корҳои дохилии Россия ва Муассисаи давлатии буҷетии шаҳри Москва «Сахарово» муроҷиат намоянд.
Ҳамзамон, ба маълумоти сокинони деҳҳаҳо расонида шуд, ки дар ҳолати пайдо шудани саволҳо дар ин самт метавонанд ба Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар ФР оид ба муҳоҷират бо рақамҳои зерин дар тамос бошанд:Телефонҳо барои тамос: +7 (495) 967-98-44, +7 (999) 912-58-68 шабакаи иҷтимоии “WhatsApp
Дар фарҷоми вохӯрӣ баромадкунандагон вобаста ба самти худ ба саволҳои ҳозирин ҷавобҳои мушаххас ва қаноатбахш дода, маводҳои иттилоотӣ ва брошюраҳои роҳнамои Хадамоти муҳоҷират тақсим карда шуд. Бояд қайд кард, ки чунин як чорабинӣ бо ибтикори шуъбаи Хадамоти муҳоҷират дар шаҳри Хуҷанд баргузор карда шуд.
Раёсати Хадамоти муҳоҷират дар вилояти Суғд
