Бо ибтикори бахши Хадамоти муҳоҷират дар ноҳяии Зафаробод бо иштироки муовини раиси ноҳия Абдусаломзода М., дар толори маҷлисгоҳи МТМУ №1-и ноҳия мулоқоти судманд бо фаъолон, омӯзгорону хонандагон, муҳоҷирони ба ватан бозгашта ва аъзои оилаи онҳо баргузор гардид.
Зимни вохӯрӣ мудири бахши Хадамоти муҳоҷират дар ноҳия Аслонзода И., баромад намуда, иттилоъ дод, ки тибқи Фармони Президенти Федератсияи Россия аз 30 декабри соли 2024, №1126 қонунигардонии шаҳрвандони хориҷӣ, ки мушкилот дар самти таҳияи ҳуҷҷатҳои муваққатӣ дар кишвари қабулкунандаи қувваи корӣ доранд то 30 апрели соли 2025 идома дорад. Дар робита ба ин тавсия дода шуд, ки муҳоҷироне, ки вобаста ба ин масъала огоҳӣ надоранд, ба онҳо ин маълумот расонида шавад.
Инчунин, дар ҷараёни вохӯрӣ бо муҳоҷирони меҳнатӣ вобаста ба хатару таҳдидҳои замони муосир, пешгирии ҷавонону наврасон аз омилҳои номатлуби иртиҷоӣ, гурӯҳҳои террориству экстремистӣ ва пешгирии онҳо аз бемориҳои сироятӣ маълумот манзур гардида, тавсияҳои муфид расонида шуд.
Аз ҷониби сокинони ноҳия вобаста ба мушкилоти муҳоҷиратӣ, тағийротҳо дар самти қонунгузории кишвари иқомат саволҳо дода шуда, ба онҳо масъулин посухҳои мушаххас дода шуд.
Раёсати Хадамоти муҳоҷират дар вилояти Суғд
