Тибқи нақшаи муштараки сохторҳои дахлдори Мақомоти иҷроияи ҳокимияти давлатии шаҳри Конибодом бо иштироки гурӯҳи тарғиботӣ дар ҳайати мудирони бахши Хадамоти муҳоҷират – Фарзона Толибова, бахши кор бо ҷавонон ва варзиш – Урунов Мақсудҷон, шуъбуи рушди иҷтимоӣ ва робита бо ҷомеа – Маҳмудов Баҳодур, сармутахассис котиби васояту парастории назди мақомоти иҷроияи ҳокимияти давлатии шаҳр – Шокирова Фарида, сармутахассиси шуъбаи кор бо занон ва оила – Нишонова Мукаррам ва директори Коллеҷи омӯзгории ба номи М.Турсунзодаи шаҳри Конибодом – Расулова Марҳабо дар маҷлисгоҳи Коллеҷи мазкур баҳри пешгирии бемориҳои сироятии ВНМО/БПНМ, бемории сил, гепатит В, пешгирии терроризму экстремизм, тарзи дуруст истифода намудани шабакаҳои иҷтимоӣ, пешгирии ҷудошавии оилаҳои ҷавон, пешгирӣ аз омилҳои номатлуб ва дигар масъалаҳои мубрами рӯз мулоқоти судманд бо омӯзгорон ва донишҷӯён баргузор гардид.
Мулоқотро мудири шуъбаи рушди иҷтимои ва робита бо ҷомеа – Маҳмудов Баҳодур ифтитоҳ намуда, ҳадафи баргузории онро шарҳ дод.
Сипас, мудири бахши Хадамоти муҳоҷират дар шаҳр – Фарзона Толибова оид бо кортаъминкунӣ дар хориҷи кишвар, тағйироту илова ба қонунгузории Федератсияи Россия дар самти муҳоҷирати меҳнатӣ, омодагии пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар, тарзи супоридани имтиҳонҳо, гирифтани корти муҳоҷирӣ ва дар қайди муҳоҷирӣ истодан, гирифтани Патент, ба касбомӯзи ва ҳунаромӯзӣ ҷалб намудани занҳои хонашин баромад намуда, варақаи иттилоотӣ оид ба касбомӯзи, забономӯзӣ ва гирифтани қарзҳои имтиёзнок тақсим намуд.
Сармутахассиси шуъбаи кор бо занон ва оилаи назди Мақомоти иҷроияи ҳокимияти давлатии шаҳр – Нишонова Мукаррам оид ба ҷудошавии оилаҳои ҷавонон, оилаву оиладорӣ ва иштироки фаъолона дар ободонии маҳалла, камнамудани сатҳи камбизоатии аҳолӣ суханронӣ намуд.
Сармутахассис – котиби васояту парастории оиди пешгирии ҷиноят байни ноболиғон, сабаб ва омилҳои бадрафтории ва душвортарбия гардидани кӯдакону ноболиғон, оид ба тағйироту илова ба қонуни Ҷумҳурии Тоҷикистон «Дар бораи масъулият барои таълиму тарбияи кӯдак» суханронӣ намуд.
Урунов Мақсудҷон – вобаста ба пешгирии бемориҳои сироятии ВНМО/БПНМ, сил, нашъамандӣ дар назди иштирокдорон сухан гуфт.
Бояд тазаккур дод, ки баромадкунандагон вобаста ба самтҳои фаъолияташон, аз ҷумла омилу сабабҳои амалҳои номатлуб, пешгирии ҷинояткорӣ дар байни ҷавонону ноболиғон, сабабҳои асоси ихроҷшудани муҳоҷирони меҳнатӣ, пешгирии нашъамандӣ, терроризму экстремизм, муқовимат бо коррупсия, тағйироту илова ба қонуни Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон» таҳлилу андешаҳои судманд намуданд.
Раёсати Хадамоти муҳоҷират дар вилояти Суғд