Бо ташаббуси кормандони масъули МД “Марказҳои машавратӣ ва омодагии пеш аз сафари муҳоҷирони меҳнатӣ” дар шаҳри Бохтар якҷоя бо бахши Хадамоти муҳоҷират дар шаҳри Бохтар мулоқоти судманд бо шаҳрвандон дар терминали мусофиркашонии шаҳр баргузор гардид.
Зимни баргузории мулоқот масъулин вобаста ба муҳоҷирати бехатар, риояи талаботҳои қонунгузории кишвари иқомат, расман фаъолият намудан, тартиби дарёфти ҷойи кори доимӣ, таъмини амнияти бехатарӣ дар фаъолияти меҳнатӣ ва дигар масъалаҳои муҳим дар ин самтро ба шаҳрвандон маълумот доданд.
Зикр гардид, ки риояи талаботҳои қонунгузории кишвари иқомат кафолати фаъолияти меҳнатиро фароҳам оварда, имконият ва бехатарии онро таъмин менамояд.
Дар идомаи мулоқот оид ба иҷроиши Фармони Президенти Федератсияи Россия аз 30 декабри соли 2024, №1126 иттилоъ дода шуда, зикр карда шуд, ки шаҳрвандони хориҷие, ки расман фаъолият намекунанд, имконият доранд, ки то 30 апрели соли 2025 расман худро ба қайди муҳоҷиратӣ гузошта, дар қаламрави Федератсияи Россия расман кору фаъолият намоянд.
Ҳамзамон, зимни вохӯрӣ оид ба хатару таҳдидҳои замони муосир, пешгирӣ аз шомилшавӣ ба ҳизбу ҳаракатҳои иртиҷоӣ, гурӯҳҳои террористиву экстремистӣ, дӯст доштани фарҳанг, таърих ва арзишҳои фарҳангии халқи тоҷик, ҳифзи расму оин ва анъанаҳои миллӣ дар хориҷи кишвар, баланд бардоштани ҳисси ватандӯстӣ ва ифтихори миллӣ дар миёни шаҳрвандони Ҷумҳурии Тоҷикистон корҳои фаҳмондадиҳӣ гузаронида шуд.
Инчунин, дар мулоқот ба шаҳрвандон, аз ҷумла муҳоҷирони меҳнатии ба ватан бозгашта, ҷойҳои корӣ дар ҶСК НБО «Роғун» пешниҳод карда шуд.Дар фарљом ба саволњои иштирокдорон вобаста ба масъалаҳои гуногун ҷавобҳои муфид дода шуда, брошюраҳои роҳнамои ҳангоми сафар тақсим карда шуд.
Раёсати Хадамоти муҳоҷират дар вилояти Хатлон
