Бахши Хадамоти муҳоҷират дар ноҳияи Файзобод тибқи нақша чорабиниҳои тасдиқгардидаи Мақомоти иҷроияи ҳокимияти давлатии ноҳия, бо иштироки муовини раиси ноҳия Рашидзода Махфират Мансур ва дигар намояндагони мақомоти ҳокимияти давлатӣ дар Ҷамоати деҳоти Ҷавонон бо сокинон, фаъолон ва муҳоҷирони меҳнатӣ вохӯрӣ доир намуданд.
Зимни баромад муовини раиси ноҳияи Файзобод Рашидзода Махфират Мансур, оид ба муҳтавои Паёми Президенти Ҷумҳурии Тоҷикистон, Асосгузори сулҳу Ваҳдати миллӣ, Пешвои миллат, муҳтарам Эмомалӣ Раҳмон, ки рӯзи 28 декабри соли 2023 баргузор гардида буд, суханронӣ намуд.
Аз ҷумла, ҷиҳати иҷрои Қонуни Ҷумҳурии Тоҷикистон “Дар бораи масълулияти падару модар дар таълму тарбияи фарзанд” ва Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ва баланд бардоштани маърифати ҳуқуқии ҷавонон дар руҳияи ватандӯстию ватанпарастӣ, ҷалб намудани онҳо ба сафи қувваҳои мусаллаҳи Ҷумҳурии Тоҷикистон, ободони шоҳроҳ ва ҳудуди ноҳия, шинонидани дарахтони сояафкану ороишӣ ва гулу буттаҳо, баргузории шанбегиҳо, истифодаи самараноки замин, таъмини оилаҳои эҳтиёҷманд ба қитъаҳои замини наздиҳавлигӣ, васеъ намудани майдонҳои кишт аз ҳисоби заминҳои бекорхобида, бунёди сардхонаҳо дар Ҷамоатҳои шаҳраку деҳоти ноҳия, ташкили корхонаҳои хурди коркарди маҳсулотҳои кишоварзӣ дар замина баҳри дар сатҳи сазовор таҷлил намудани ҷашни истиқлолияти давлатии Ҷумҳурии Тоҷикистон сухан намуд.
Давлатзода Р., – мудири бахши кор бо занон ва оилаи назди мақомот ҷиҳати иҷрои Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон”, зоҳирпарастиву зиёдаравӣ, сарфаю сариштакорӣ, “Кодекси оилаи Ҷумҳурии Тоҷикистон”, “Барномаи давлатии зӯроварӣ дар оила, пошхӯрии оилаҳои ҷавон, никоҳи хешутаборӣ, никоҳи бармаҳал, идомаи таҳсили духтарон, ба касбомӯзи фаро гирифтани занону духтарон, пешгирии ҳодисаҳои номатлуб миёни занону духтарон, пешгирии ҷинояткорӣ, худкӯшию худсӯзии занону духтарон, шомилшавии ҷавонон, аз он ҷумла занону духтарон ба ҳизбу ҳаракатҳои ифротгаро, тарғиби либосҳои миллӣ, ободонию созандагӣ дар маҳаллаҳо бурдани корҳои иттилоотӣ-маърифатиро қайд кард.
Азизова Б., – мудири бахши Хадамоти муҳоҷират иброз намуд, ки вобаста ба ҳодисаи дар Федератсияи Россия санаи 22 марти соли 2024 рух дода, боиси нигаронии миллати тоҷик гардида, моро зарур аст, ки пеш аз сафар ба муҳоҷиратӣ меҳнатӣ ба шахсони ношинос бовар набояд кард, инчунин дар сомонаҳои иҷтимоӣ ба монанди Ватсап, Телеграм, Фейсбук ва дигар сомонаҳо бо шахсони ношинос сӯҳбатҳо анҷом надиҳанд.
Читавре, ки дар Паёми Президенти Ҷумҳурии Тоҷикистон, Асосгузори сулҳу Ваҳдати миллӣ, Пешвои миллат, муҳтарам Эмомалӣ Раҳмон, қайд гардид, кору фаъолияти занону бонувони мо дар муҳоҷирати меҳнатӣ бисёр ҳам ташвишовар мебошад.
Бинобар ин барои бунёди корхонаҳои нави истеҳсолӣ, ба кор андохтани корхонаҳои аз фаъолият бозмонда ва ташкили ҷойҳои корӣ ва паст намудани сатҳи камбизоатӣ дар ҷумҳурӣ вазифаи ҳар фарди бо нангу ор ва роҳбарони бо масъулияту кордон мебошад.
Ҳамзамон ба кор андохтани агрегати неругоҳи барқи обии “Роғун”-иншооти тақдирсози аср ва ояндаи дурахшони Тоҷикистон, ки ба шарофати он орзӯи чандинсолаи мардуми заҳматқарини тоҷик амалӣ гардид.
Сокинони ноҳия ва шахсони бекор метавонанд дар ин неругоҳ кору фаъолияти худро идома диҳанд.
Чунин мулоқоту вохӯриҳо бо сокинони ноҳия минбаъд мунтазам гузаронида мешавад.
Бахши Хадамоти муҳоҷират дар ноҳияи Файзобод
