Дар доираи нақша чорабиниҳои Бахши Хадамоти муҳоҷират длар ноҳияи Фархор якҷоя бо сохторҳои Мақомоти иҷроияи ҳокимияти давлатии ноҳия дар Ҷамоати деҳоти Ватан деҳаи Куҳдоман дар муассисаҳои таълимии №61,65 бо усули “мактаб ба мактаб” вохӯрӣ баргузор гардид.

Зимни вохӯрӣ баромадкунандагон оид ба моҳияти таҷлили 35-солагии Истиқлоли давлатии Ҷумҳурии Тоҷикистон, муҳтавои Паёми навбатии Пешвои миллат, дуруст истифода бурдани шабакаҳои иҷтимоӣ, таъмини амнияти шаҳрвандон, пешгирии вайроншавии оилаҳои ҷавон, пешгирии зӯроварӣ дар оила, ҳурмату эҳтироми фарзандон нисбат ба падару-модар, муҳоҷирати бехатар, пешгирии ҳодисаҳои номатлуби экстремизм ва терроризм, баланд бардоштани ҳисси худшиносию худогоҳӣ, баланд бардоштани масъулияти шаҳрвандӣ, ватандӯстиву ватанпарастӣ, ҷалби ҷавонон ба сафи Қувваҳои Мусаллаҳи Ҷумҳурии Тоҷикистон, риояи қонунҳои Ҷумҳурии Тоҷикистон “Дар бораи тарбияи ватандӯстии шаҳрвандон”, “Дар бораи масъулият барои таълиму тарбияи кӯдак”, “Дар бораи танзими ҷашну маросим дар Ҷумҳурии Тоҷикистон”, суханронӣ намуданд.

Зикр гардид, ки ҳадафи сиёсати давлатии роҳбарияти кишвар дар бахши ҷавонон, тарбияи кадрҳо, мутахассисони донишманду соҳибмаърифат, насли дорои ҷаҳонбинии васеъ ва хислатҳои ватандӯстиву ватанпарастӣ мебошад.

Дар охир ба саволҳои омӯзгорон ва хонандагон посухҳои қонеъкунанда манзур карда шуданд. Мулоқоту вохӯриҳо дар ин самт идома доранд.

Раёсати Хадамоти муҳоҷират дар вилояти Хатлон