“Мо ба азму ирода ва масъулиятшиносии бонувону духтарони тоҷик ҳамчун нерӯи бузурги ҷомеа эътимоди комил дорем ва дастгирии ҳамаҷонибаи онҳоро идома медиҳем”.

                                                                                   Эмомалӣ Раҳмон

Боиси тафохур ва сарбаландист, ки кишвари мо таҳти сарварии хирадмандонаи Пешвои миллат, дар арсаи ҷаҳонӣ бо дастовардҳои иқтисодиву сиёсӣ ва иҷтимоиву фарҳангии хеш мавқеи устуворро касб менамояд, ки дар ин ҷода саҳми Пешвои миллат хеле назаррас мебошад. Ақидаҳои оқилона ва иқдомҳои наҷиби Президенти Ҷумҳурии Тоҷикистон, муҳтарам Эмомалӣ Раҳмон барои ояндагон сабақи рӯзгор хоҳад буд. Пешвои миллат дар Паёми навбатии худ баробари самтҳои асосии сиёсати дохилӣ ва хориҷии кишвар ба масъалаи занону бонувон таваҷҷӯҳи махсус зоҳир намуданд. Дар ин росто натиҷаҳои бадастовардаро мавриди таҳлил қарор дода, нақшаҳои дарпешистодаро муайян намуданд. Бо боварии комил метавон қайд намуд, ки ҷалби бонувон ба корҳои давлативу ҷамъиятии кишвар ба рушду такомули минбаъдаи он мусоидат хоҳад кард.

Аз суханрониҳои Сарвари давлат ҳисси баланди ҳурмату эҳтиром ва меҳру муҳаббати самимӣ дар ҳаққи занону модарон бахубӣ эҳсос мегардад: “Мо бояд як нуктаи муҳимро ҳамеша дар ёд дошта бошем, ки зан – модар мавҷуди муқаддас мебошад ва ҳамаи сиёсатмадорону донишмандон ва бузургони олам, аз ҷумла Пайғамбари ислом, аз домани поки модар ба дунё омадаанд ва бо шири ҷонбахши ӯ бузург шудаанд. Бинобар ин, ба ҷо овардани иззату эҳтироми модарону занон ва бонувону духтарон, саъю талош ба хотири ҳалли мушкилоти онҳо ва фароҳам овардани шароит барои илму донишомӯзӣ ва соҳиби касбу ҳунар гардидани духтарон вазифаи ҷонии мо мебошад”.

Ҷавобан ба таваҷҷуҳи доимии Пешвои миллат, Президенти кишвар муҳтарам Эмомалӣ Раҳмон мо, занону бонувон суханони Пешвои миллатро раҳнамои ҳамешагӣ дар кору фаъолият ва зиндагии худ қарор дода, бо азму иродаи комил дар ободиву гул – гулшукуфии Ватани азизамон – Тоҷикистони соҳибистиқлол саъю кӯшиш менамоем. Бар ивази чунин қадрдониву ғамхориҳои пайваста ва эътимоди комили Президенти Ҷумҳурии Тоҷикистон муҳтарам Эмомалӣ Раҳмон нисбати занону бонувон, хосатан, занону духтарон ва бонувони сарбаланди диёри хушманзари Тоҷикистони азиз дастуру нишондодҳои Пешвои миллатро сармашқи доимии кору фаъолияти худ қарор додаанд. Баҳри рушду нумӯи бемайлони Тоҷикистони маҳбуб ва татбиқи амалии нақшаву барномаҳои давлатӣ тамоми донишу маҳорат ва кӯшишу ғайрати худро равона сохта, ҷиҳати пешрафт ва саодати халқи Тоҷикистони азиз саҳми арзанда хоҳанд гузошт.

Мухамедҷонова Парвина,

Корманди масъули шуъбаи ташкилӣ ва умумӣ Хадамоти муҳоҷират